波爾圖

同朋友去澳門，玩到九點幾，好多餐廳都關左門，而同朋友都好想試葡國菜， 就去咗呢間餐廳。餐廳滿座，侍應話分店有位，問我地去唔去。有侍應帶路，而且路程只不過1分鐘，本店同分店都滿座，證明係有幾好食啦！同朋友叫咗個麵包焗葡國雞、炸馬介休球、葡式海鮮燴飯。麵包焗葡國雞好正！個麵包吸晒啲葡汁，軟綿綿好好味，椰子味重，但啲雞就有啲老。第一次食葡式海鮮燴飯，第一啖覺得怪怪地，但越食越好味，蕃茄味濃郁，唔係講笑真係充滿海鮮！有一隻大蝦、好多蝦仁蜆肉同墨魚，仲有青口。本人就唔係點食鹹魚，但朋友話個馬介休球好好味。雖然餐廳好多人，但上餐速度正常，唔駛等好耐。之前同朋友去澳門，只係食個越南湯河，都要成百蚊。但呢到叫咗三碟嘢食，兩杯嘢飲同湯，埋單只係三百零蚊。真係好抵！…查看更多

黎澳門一大目的係食葡國菜，原本計劃食呢一間葡式餐廳，但未開又已經想食嘢。行行下竟然發現咗open rice排行第一嘅葡國餐廳，所以就拋低原定計劃，食呢間。結果... 喜出望外！ 叫咗葡式燴海鮮飯，望落去已經好足料，有大蝦、青口、蝦、魷魚、馬介休。每口都食到海鮮，$108都物超所值。用來燴飯嘅汁係蕃茄汁，材料有蕃茄、青椒、洋蔥、火腿粒，同埋芫茜。蕃茄汁酸酸地，好開胃，配以好淡芫茜味為更特別。飯好入味，可能因為汁好多，有d多到似湯。另外仲叫咗葡國菜數一數二嘅馬介休。餐廳對於馬介休都有不同煮法，例如焗、炸等等等。今次比牆上芝士焗馬介休酥皮嘅圖所吸引就叫咗。「芝士」、「酥皮」都多麼好聽、吸引嘅名詞呀。一客$98，有兩件，本身覺得少。佢一黎到，我就發覺錯了。兩球大大的。一切開就有少許拉絲效果，印象分大增。酥皮就好似個碗仔，上面有層馬介休，馬介休之上兜住薯球，最上係一層薄薄嘅芝士。材料好豐富，每層都好夾，調味剛剛好，口感又有薯球嘅綿綿，又有酥皮嘅香脆。酥皮食落唔會成口油，有幾層夠鬆化，大推。對於我黎講（第一次食馬介休），馬介休相對下一般。馬介休分量唔多，要單獨食個層先可以食得清楚d。馬介休魚嘅分量應該唔多，因為唔太食到魚嘅口感。薯球係世界級，材料多多，有洋蔥、粒狀馬介休。成個撻食到好飽，大滿足！環境係小店feel，有上下兩層。不幸地，隔離枱坐住一家大細，小朋友不停發出刺耳欲聾嘅尖叫聲，令享受美食嘅經歷打折扣。其他食客都對呢枱投以目光，但店員對此亦冇加以勸阻，因此減服務分。另外，店面侍應不足，叫落單叫咗好多次先有人黎，扣分位。不過，佢地都會主動幫你添水，所以服務分整體不過不失。…查看更多

原來屈小姐其中一位好朋友都係澳門迷黎既，係我地出發之前，佢推薦左我地去試《波爾圖》既葡國餐，而又咁岩賴生係澳門有親戚住，拜託左佢地幫賴生book左位（真係太好啦⋯⋯如果唔係有排等，好多人哦）間餐廳位於官也街大馬路果度，好容易搵。而門口已經有餐牌，不妨係等既時間，睇下想食咩！入到去坐低，其實張枱偏細，而且比較逼，枱與枱之間好窄，會聽到隔離枱講野，亦方便我地睇下人地D野好唔好食（呢個係賴生同屈小姐既壞習慣）經過一輪觀察同商議之後，我地決定左叫4樣野：芝士焗軟殻蟹、葡式檸檬白酒煮蜆，葡式海鮮燴飯同馬拉盞炒椰菜1）芝士焗軟殻蟹 ：⭐️⭐️⭐️⭐️好正呀！成隻蟹鋪滿芝士，超濃郁，仲要有拉絲嫁！加上係軟殻蟹，冇骨，食落啖啖肉！而隻軟殻蟹都尚算香脆！有少少膏！整體唔錯唔錯！2）葡式白酒檸檬煮蜆 ：⭐️⭐️⭐️基本上呢，呢度個葡式檸檬白酒煮蜆整唔到個精髓出黎，太咸啦，又冇檸檬味⋯湯底：葡式檸檬白酒煮蜆，佢煮唔到個檸檬清香出黎，完全唔覺有檸檬酸味，仲要佢白酒未煮到揮發晒，有酒味得尼唔夠甜，再加上太咸，完全食唔到蜆既鮮甜味蜆：份量都夠，粒粒都有肉，只有1-2隻仲有少少沙，但味道比咸湯底遮左3）葡式海鮮燴飯 ： ⭐️⭐️⭐️無論海鮮同飯既份量都好多，幾抵食，只係味道太似一個濃既蕃茄汁燴飯，食唔出有海鮮味⋯海鮮：有1隻大蝦，幾隻蝦，3隻青口，蜆同魷魚，全部都彈牙既，之但係既然隻大蝦都開左邊，點解唔順手挑埋條蝦腸呢，眼見到真係扣左分味道：濃烈蕃茄味，冇海鮮味，還好加左一D碎香草入去，食落去（有香草既時候）先多左重味道既變化，感覺不正宗，食多兩啖就無衝動繼續食，完。4）馬介休炒椰菜 ：⭐️⭐️⭐️⭐️呢個唔錯唔錯！馬介休既咸味炒左入椰菜入面，咸咸地又甜甜地！又唔算太油，出奇地好食。同埋馬介休呢既魚肉就唔似咸魚嫁，唔實嫁，仲keep到魚肉既texture!總括而言，係《波爾圖》食葡國菜係平既，假如我地係其他葡國餐廳食一樣既野，應該要成$600-700蚊，但係呢間⋯$350就搞得掂！不過要追求正宗葡國菜風味（同好味）既，就建議去第2度啦！呢間唔岩你，岩窮遊（而對食要求唔高）既小情侶們！Ps 見隔離枱叫左乳豬飯啲乳豬真係超肥，好彩（偽健康嘅）屈小姐之前研究過Openrice，無叫到姐#都叫試到部份既葡國野#對住你食，D野食都好食左#條脷愈食愈尖，但我會負責處理嫁😚#出外靠朋友同親戚#好彩book左位，唔係要等成個幾鐘就慘…查看更多

星期六晚18:45到達，已經坐滿，幸慶在沒有訂位之下輪候了15分鐘就獲安排入座。食物：1.炸馬介休球- 炸薯球，薯蓉幼滑但吃不出有馬介休。2.葡式檸汁蜆- 蜆有砂, 酸味蓋了鮮味。3.葡式海鮮燴飯- 濃濃蕃茄味，海鮮有青口，魷魚，魚肉同蝦，都頗足料。4.麵包葡國雞- 很普通，好吃的只是索滿葡汁的麵包那一部分。食物質素普通，但服務唔錯。…查看更多

澳門之旅第一餐，當然要食下葡國菜啦，誤大誤撞是但食，就嚟咗呢間餐廳。一入到去啲裝潢幾特色，人客不多，環境okay寫意。我哋唔係好餓，朋友又唔食得煎炸熱氣嘢，所以都係是但order，我哋就order咗：1)葡式雜錦拼盤 MOP$422)葡式海鮮燴飯 MOP$783)葡式炭燒豬頸肉 MOP$24 (海笑價)首先講下個雜錦拼盤先：主要得四款嘢，葡式臘腸(好咸)、馬介休(其實我都唔知咩嚟，食落又似薯茸，又無味)、咖喱角(熱&脆)、橄欖(我同朋友一向都唔鐘意食，所以無食)跟住就講下呢個海鮮燴飯：個賣相"ma ma地"，啲飯好"林"好"濕"，但佢好真材實料好海鮮架，有齊哂青口、蜆、大蝦、魷魚、馬介休(魚)。啲茄(汁)味重啲，個飯濕咗啲，但整體都ok架，啲海鮮都新鮮，但每款海鮮都係一件起兩件止，七十幾蚊算係咁啦。最後就係呢個海笑價既炭燒豬頸肉。雖然燒得燶咗啲，但都燒得幾香又切得大舊，再配埋個黑醋幾開胃，雖然飽飽地，但都忍唔住食多幾舊，但係呢碟豬頸肉伴菜(薯角)好咸，前所未食過咁咸，都唔知係個cook重手得濟落鹽定係澳門水質一向都偏咸，所以啲薯角咁咸呢？豬頸肉用海笑價order真係幾抵食，除咗呢個豬頸肉，仲有燒羊脾、燒魚、肉眼扒嗰啲，海笑價即原價價錢既半價優惠，每枱限order一樣海笑價餸菜。…查看更多