高質Cafe嘆優閒時光
2019-09-06
香港人生活忙碌,每日翻工咁tense,有時都想忙裏偷閒,搵個地方放慢步伐,一邊嘆高質咖啡,一邊好好消化一下平日生活所思所想,為自己充充電再從新出發,所以近年香港Cafe文化越趨成熟,想搵間好Cafe?以下幾間cafe就啱哂您啦!今個週末一於約埋好友相一齊去好好enjoy下優閒時光啦!

Dawn (太子)   
花墟附近新開嘅coffee shop, 裝修以白色同木系感為主,一入cafe就見大大個咖啡台同咖啡機,比人簡單又舒服嘅感覺,仿佛去咗澳洲嘅小店咁,係比人安心relax,嘆番杯靚咖啡嘅好去處!

烤豬腩肉
花心機之作,製作流程需時超過6小時,用西式煮炖再烤焗豬腩肉,皮脆肉嫩嘅豬肉配上日式柚子胡椒汁同中式刈包一齊食,成為一個極具創意料理!  

北非焗蛋
蕃茄醬汁底配上咸牛肉、什菌、栗米、薯粒、洋蔥、雞蛋,再加上芝士入爐烤焗,然后配埋牛油法包進食,係澳洲墨爾本最傳統又受歡迎嘅早午餐,係小編嘅私心推介!

Green Miles
廚師用心創作,為素食者設計嘅自家製素菜餅(內含甘筍絲/紅椰菜絲/雞脾菇絲/紅洋蔥絲),配埋新鮮紅菜頭蓉、什果乳酪Museli、果仁藜麥沙律同煎蛋,成為健康又美味嘅green monday之選!

馬鈴薯圑
由煙韌嘅薯團,加上炒香嘅煙肉、白菌、洋蔥同自家田螺蓉,再配上忌廉白汁,做成市面比較罕見但美味可口嘅一款pasta,啱晒鍾意蒜香味嘅食家!

Espresso Tonic
新鮮嘅檸檬青檸汁同小量糖水, 加入冰塊同Tonic Water ,最後加埋Espresso,咖啡慢慢向下沉, 造成漸變色效果,打卡一流,亦係一杯清新非主流嘅好選擇!


The lol Bistro (觀塘)      
The lol Bistro係一間位於觀塘坐擁優和氣氛、食物選擇多元化嘅咖啡店。店內環境寬敞舒適,設有舒適雅座,感覺寫意。店內會嚴選食材,以大眾化價錢提供優質餐飲,係CP值超高嘅cafe!

水仙頭冬陰公海鮮燴飯 
將泰國醬料混入西式煮法,冬陰公味道嘅燴飯入口口感微辣帶點嗆喉感,配上大量海鮮,係非常有誠意同大膽嘅創意菜式!

海南原隻春雞釀班蘭椰香飯
店內新推出中西合璧嘅餐點,原隻春雞釀入班蘭葉烹煮而成嘅揶香飯,春雞皮脆肉嫩、香口惹味,肉質嫩滑,入口有陣陣班蘭同椰香! 可以沾少少海南雞三色醬一齊食增加風味! 

西班牙黑毛豬配丁香蘋果汁
黑毛豬煎香後,香氣四溢又唔會油膩,配埋有蘋果同有陣陣丁香味道嘅醬汁一齊食,味道好夾,更可以中和肉膩感!

檸檬牛油香脆雞翼

雞翼加上麵粉、牛油、檸檬汁後炸到超香脆,入口感覺出奇地清新,完全不油膩,非常邪惡!

雲石芝士餅
店內嘅雲石芝士餅非常適合打卡,入口勁creamy,係睇得又食得之選! 


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany

關鍵字
Cafe
忙裏偷閒
咖啡
咖啡店
coffee shop
小店
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【蠔癡必看】生蠔海鮮的浪漫盛宴!
2019-08-27
隱世湯麵小店
2019-09-06
高CP值火鍋放題
2019-09-02
【滾出好味來】性價比高火鍋推介!
2019-08-30
粵食粵滋味
3天前