酸酸辣辣 食上癮泰國菜 (2)
2019-09-24
甜酸辣咸口味並重係泰國菜嘅最大特色,炒或煮出嘅香氣令人垂涎。泰式餐廳係港門庭若市,為咗讓大家都可以嚐到宛如置身曼谷嘅泰國菜,小編為大家嚴選咗幾間高質正宗泰國菜,希望總有一間啱大家心水!

醉標泰粵小廚 (新蒲崗)      
好多人一諗食泰國菜就會諗到去九龍城,但原來係新蒲崗都可以搵到泰國菜餐廳㗎!醉標泰粵小廚係一間主打泰式同粵菜嘅小餐館,供應招牌海南雞飯、惹味泰式串燒同其他粵式煲仔小菜、海鮮等,更風雨不改,每月1日都會為長者派飯,絕對係人情味濃厚嘅良心小店!

無骨海南雞飯
無骨滑溜又嫩滑嘅雞肉,配上帶油光又有油香嘅黃油飯,絕對係必食之選!

黃咖喱飯
黃咖哩配豬扒/牛/海南雞,咖哩香而有辣,味道香甜,適合唔好辣嘅食客,惹味咖哩汁送飯食一流!

香辣肉碎炒飯
半肥瘦嘅肉碎調味啱啱好,炒香,加埋洋蔥碎,食落唔會太辣,仲有肉汁, 好惹味!

泰式炒金邊粉(蝦)

Pad Thai係最受香港人歡迎嘅泰國菜之一,集酸甜香辣於一身,重口味又帶清新口感,開胃又爽口!

冬陰功湯飯
泰式冬蔭功湯,酸辣醒胃,鮮酸辣香,令人齒頰留香,配飯食忍唔住又食清光!


金泰子泰國餐廳 (銅鑼灣/佐敦)

金泰子係一間正宗泰式風味餐廳,食品由泰國藉廚師炮製,餐廳設計行簡約主義,環境光猛闊落,食材新鮮,主張以經濟合理嘅價錢讓食客享受到優質嘅泰國菜,餐廳地方寬敞舒適,食物選擇多元化,大部份食物都可辣可唔辣,餐點味道貼近港人口味,非常好適合大伙兒聚餐,約唔到一大班朋友就唔到期去泰國?不如約嚟食餐飯先啦!

泰式豬頸肉炒金邊粉
泰國菜又點少得Pad Thai,泰式炒金邊粉係金泰子除咗可以配蝦仲可以配燒豬頸肉/雞扒/豬扒/蟹肉,金邊粉入口煙韌,集齊酸甜辣於一身,非常惹味!
 
蛋包冬蔭功炒飯 
用冬陰功醬嚟炒飯,加入香茅、青檸汁做到粒粒金黃「金包銀」嘅效果,外面仲有一層雞蛋包住,又靚又好食,係必食之選!  

香葉肉碎飯加蛋
香葉肉碎辣辣地,用嚟拌飯食超惹味,加捚流心煎蛋,回味無窮呀~  

香芒椰汁黑白糯米飯
餐廳特意選用啖啖肉又甜又多汁嘅呂宋芒果,配搭煙煙韌韌嘅白糯米,同勁香米味嘅黑糯米,甜而不膩,係小編嘅私心推介!包您食過翻尋味!  

樽裝泰式奶茶
樽裝港式奶茶就飲得多,但估唔到泰式奶茶都有樽裝!金泰子嘅樽裝泰式奶茶日日新鮮製造,入口茶味香濃,加埋香滑花奶,好飲到停唔到口!飲唔曬仲可以成樽拎走,超方便!  

泰地道 (佐敦)      
佐敦開了一間由泰國人主理優質嘅地道泰菜小店-泰地道,餐廳環境舒服,裝修有種家嘅感覺。廚房班底全是泰國人,用料新鮮,加上全部醬汁自家調製,保證正宗!不妨嚟食餐泰國菜 ,止止曼谷癮先呀 !

泰地道特色三文魚沙律
新鮮三文魚搭配洋蔥、蒜頭等濃味材料,混合泰式醬汁撈埋一齊食,真係味覺嘅一大享受!多種層次係口內慢慢揮發,係一道非常醒胃嘅前菜!

泰地道燒雞
燒雞嫩滑,配上秘製醬汁,香辣惹味,別有一番風味!

泰地道咖哩炒蟹 (需預訂)  

咖哩香而不太辣,味道香濃,蟹非常新鮮!熱喇喇嘅蒜蓉包配埋咖哩汁食真係天衣無縫,令人食到停唔到口! 

星之選燒生蠔
拳頭咁大隻嘅蠔,燒完唔太會縮水,依然保持大大隻,唔會燒到過熟,一咬入口會爆汁,勁juicy,一試難忘! 

泰地道秘製燒西冷牛扒
肉質嫩滑嘅西冷牛扒,食落好juice,牛肉味濃,加埋秘製醬汁同黑胡椒嘅調味好香呀! 

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany


關鍵字
冬蔭功
泰國
泰國菜
泰菜
泰式奶茶
香芒糯米飯
炒金邊粉
海南雞
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
全城抗炎!4間外賣速遞健康便當推介
2020-07-28