茶點

營業中

休息中

近近地落大埔覓食，成日經過哩間小店，多數都因為俾隔離D大招牌同放題吸引住，所以埋唔到佢身，今日終於入嚟。店面很小，眼見約20個坐位，同隔離嘅陌生人被迫親近，香港地。。。寸金尺土明架喇，所以都唔好意思影內部。試台灣店必嘗香芋珍珠，說實話顏色唔吸引，香芋味有但唔香，只可評Ok魯肉飯味道不錯，肉汁份量都夠，同嘢飲一樣有味但唔香。跟餐少食炸燒賣，貪得意一試，炸得香脆，但男朋友就嫌佢炸過太乾身。跟燒賣個汁係鼓油加李x記蒜蓉嘅味，都幾特別嘅。前菜比較後來上，一食。。。個味好熟，哦～咪就係方才果個蒜蓉豉油味囉～夾落雲耳都可以，但重覆嘅味道，又點會令吃貨返轉頭呢？哩個小店雖然食品質素仍有進步空間，但價錢比隔離食店更貼地，啱較實際嘅食客。