La Postre (形點) (已結業)

元朗近排都比較寧靜，但靜靜地食飯和行街都舒服D。今日同老公去左LA POSTRE 食餐晚飯。份量好大，食到好飽。先點左兩個水果茶，一個係仲夏水果茶，另一個係蜜桃柚子茶。一開始飲既時候仲夏水果茶好味啲，有好豐富嘅水果味，蜜桃柚子茶就比較淡。但到食完飯再飲反而蜜桃柚子茶好味D，可能浸耐咗出味D。芝士煎蟹餅：味道好濃郁，除咗有蟹鉗、芝士，仲有鹹蛋黃，所以食完都幾飽。如果三至四個人share會比較好。龍蝦焞飯：比我想像中份量大，兩個人完全食唔晒。龍蝦好大隻好多肉，焞飯都軟硬適中，味道香濃，都係建議三至四個人share食比較好。金寶果仁朱古力冬甩：因為即叫即製所以大約要等10至15分鐘，如果趕時間可以早啲叫定先。雖然已經食到好飽，但係食甜品又係另一個胃。冬甩味道比較淡，但配埋雪糕就啱啱好，相信佢哋諗食譜嘅時候一定有調配過，連呢啲位都諗埋，非常細心。