更多
2019-07-08
192 瀏覽
約左同事食午餐,原本果日唔係黎呢間食,果日好大雨,原本想去旁邊既餐廳,但太多人喇,又大雨冇等落去,於是去左呢間,價錢貴少少,應該都係冇咁多人既原因。跟同事兩人食,點餐時俾埋錢,上菜都好快,等一陣子就有得食。我睇左餐牌好耐,樣樣都好好食咁,終於揀左蘑菇意粉同scrambled egg,份量唔太大都唔少,味道調得好好,好香又熱,意粉軟硬度岩晒我,唔太軟都唔硬,我係怕太硬既意粉,所以好快就食晒😆雞蛋都非常好味,好軟滑,同個意粉好夾。忍唔住點左杯朱古力,都有拉花,好好味,唔會太甜又有朱古力味,好飲👍🏻值得再去。
張貼