更多
2012-01-07
79 瀏覽
九龍城嘅泰菜,細個時食嘅黃珍珍真係好好食。可惜每況越下...... 依家去親九龍城,我只會食金泰皇。原因好簡單,好食,唔貴,最重要係佢開到天光,半夜三更都可以食泰菜。 拍車仲方便好多添。一行四人,夜媽媽去到,當然唔駛等位啦。即點了以下:師酣 (唔識點寫 )鹹魚炒耶菜苗咖喱蟹泰式蝦醬炒飯甜品: 芒果糯米飯唔好意思,食到一半先至醒起要影相師酣唔係太多人敢食,可能因為佢血淋淋嘅關係啦。呢度嘅師酣好鮮甜,一個order絕對唔夠。記住唔好叫錯,一定要係"鹹魚"炒耶菜苗, 炒得好夠鑊氣。而我本身好中意食菜,呢個係我不二之選。咖喱蟹最最最正係個汁,佢本身係跟一客薄餅,不過一定唔夠你點嚟食,叫埋個garlic bread就啱啱好。芒果糯米飯就真係細份咗D,叉兩嘢就食晒.............金泰皇唔算好旺,好期怪。可能間嘢有D"噏dub"嘅關係啦,我見大多數幫襯嘅都係泰國人。
依家去親九龍城,我只會食金泰皇。
原因好簡單,好食,唔貴,最重要係佢開到天光,半夜三更都可以食泰菜。 拍車仲方便好多添。
一行四人,夜媽媽去到,當然唔駛等位啦。
即點了以下:
師酣 (唔識點寫 )
鹹魚炒耶菜苗
咖喱蟹
泰式蝦醬炒飯
甜品: 芒果糯米飯 唔好意思,食到一半先至醒起要影相
師酣唔係太多人敢食,可能因為佢血淋淋嘅關係啦。呢度嘅師酣好鮮甜,一個order絕對唔夠。 記住唔好叫錯,一定要係"鹹魚"炒耶菜苗,
炒得好夠鑊氣。而我本身好中意食菜,呢個係我不二之選。 咖喱蟹最最最正係個汁,佢本身係跟一客薄餅,不過一定唔夠你點嚟食,叫埋個garlic bread就啱啱好。 芒果糯米飯就真係細份咗D,叉兩嘢就食晒.............
金泰皇唔算好旺,好期怪。可能間嘢有D"噏dub"嘅關係啦,我見大多數幫襯嘅都係泰國人。
張貼