Terrace in seaside (海運大廈)

營業中

休息中

熱愛去韓國旅行嘅我，好多時見到韓國食物都會忍唔住去試吓。見到咁多like，之前又話多人排隊，難得見今日早未有太多人，咪入去試一試囉。點知會遇到地獄廚神。叫咗個海鮮年糕，年糕未熟，而且個汁完全冇味，最神奇嘅係啲海鮮係凍嘅，問你驚未，所以即刻放低冇食到。我差啲以為自己中咗新冠，失去咗味覺。又叫咗個有骨蒜香炸雞，呢個又大反差超咸，真係食唔到，又擺喺度。想飲番杯绿茶梳打救下命，結果就係一杯綠色水，好迷離。超伏，真係冇講笑，人都癲😖😖。基本上超級市場買嘅即食年糕，叮熱佢都好食過佢好多好多。