Tiramisu' Lab (已結業)

又去咗中環街市行市集，經過呢一間Tiramisu專門店，上次經過想試，但實在太飽，今次就買黎試吓。見到寫住用100%意大利食材，呢一下已經好吸引。仲有好多唔同嘅味，例如係泰奶，香蕉。另外仲見到有好多大size嘅蛋糕，可以做生日蛋糕。總共買左三個，外賣返屋企食。$48 Tiramisu' 1960" Classic呢個係最經典嘅味道，馬斯特拉芝士很軟滑，手指餅吸滿咗咖啡，兩者配合得啱啱好。$52Matcha Misu'呢個比較特別嘅味道，好香抹茶味，有少少甘，但又唔會苦，除咗有手指餅之外，仲有抹茶嘅絕配，紅豆。軟糯嘅紅豆，配上抹茶，推介抹茶愛好者試吓新嘢。$52 Oreo Misu'個人最鍾意呢款，因為未食過Oreo味嘅Tiramisu。首先賣相好靚，黑白配唔會太甜，又食到Oreo味。推薦呢一款。又好食，又可以打卡😎。