Thai Suki 海鮮媽媽麵 ($178)
泰式火鍋嚟. 湯底可以揀Thai Suki/冬蔭功, 今次試新野就揀咗Thai Suki! 呢個湯底係甜, 酸, 辣都有齊, 食落幾過癮, 配金邊粉好滋味。
配料嘅海鮮好豐富, 有蝦, 魚片, 墨魚同泰式燒腩肉, 冇諗到燒腩肉同湯底幾夾。 浸完湯都仲幾香!
火山排骨 ($228)
火山打卡造型係冇得輸, 肉質幾嫩, 用手都好易撕得開。 可以揀甜辣/酸辣口味, 揀咗酸辣, 算係小辣程度咁, 係幾開胃。餐廳好貼心地有提供手套同濕紙巾。
泰式黃咖哩炒蜆($178) +香煎薄餅 ($48)
蜆同黃咖哩味道唔錯, 好多隻蜆, 感覺食極都仲有咁。黃咖哩點薄餅真係一流, 想講啲薄餅熱定凍都一樣咁脆。
飲品方面, 我就嗌咗椰青($52), 幾清甜, 椰肉都好易刮。 朋友就叫咗同埋泰啤Singha Beer ($42), 佢話食泰菜配埋泰啤先有feel
甜品當然要叫份芒果糯米飯($88), 芒果夠甜仲要厚切, 糯米飯熱熱地質感軟糯。
