桃源記 (已結業)

女人唔一定鍾意Sailormoon，同樣並唔喺所有女人鍾意去High Tea，fine dinning同去Staycation。我就係一個中意食碟頭飯，食燒味，大口大口食肉爬飯嘅女人。坊間稱我呢種人叫女漢子。我今日又去食燒味飯。叉燒拼燒肉飯，好足料! 好多餸! 叉燒肥瘦均稱有蜜甜又有肉味，肉質唔硬又容易咬，分分鐘有酒店級水準。燒肉皮脆肉嫩，唔會話太鹹，唔會太肥又唔會太瘦，簡直就係完美燒肉。呢一碗叉燒拼燒肉飯真係super。除左燒味飯正之外，杯凍檸檬茶都好掂。