The Farmhouse 咖啡廳 (裝修中)

今年嘅生日真係好開心，因為用一個超級抵嘅價錢享受左五星級酒店嘅服務～$606可以住一晚海景房連自助早餐。當然都多謝男友咁用心同我慶祝啦🥰講番個自助早餐先，我覺得食物種類係幾多元化，中式有點心炒粉面，仲有專人幫你整魚蛋粉，西式例牌有腸仔蛋煙肉，可以order 奄列，麵包牛角包muffin 都有，仲有生果沙律菜等等。食物種類e個價錢絕對令我喜出望外，至於食物質素，中式比較麻麻，最出色我覺得係薯餅，因為真係脆😂腸仔有兩款，粗個款咸咗啲，幼嗰款冇乜味😅煙肉較為乾身，炒蛋好難食，我會選擇煎蛋/奄列。咖啡機值得一提，佢有好多款式提供，好似連flat white 都有，杯latte我覺得同出面cafe嘅質素差唔多～總結：食物質素唔算太高，不過種類取勝，同埋因為e個價錢我都會表示滿意評分（滿分為5⭐️):環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️⭐️⭐️溫馨提示：自助早餐時間係6:30-10:30。用餐時間一個鐘，想慢慢嘆就難啲嘅，但係因為我食得快所以ok😂