更多
2021-10-08
4494 瀏覽
慶祝老婆生日，乘着「賞你住」嘅優惠，訂咗東涌「富諾特酒店」嘅郊「悠」住宿套票，住番晚渡吓假，我哋真喺當旅行架，有晒景點行程，唔喺齋住。噚日就先晌酒店游吓水，跟住再去機場維修區睇日落及飛機升降，今日呢，早上就報咗O.Park1嘅導賞團，下午就坐昂坪360，行行昂坪市集、遠足昂坪奇趣徑、參觀心經簡林，最後當然晌東薈城買吓波鞋啦。宅渡假嘅套票包咗自助早餐，所以，一早就落嚟「Essence」食餐豐富嘅早餐。 本來星期六日一嘅自助早餐喺分兩輪時段，但辦理入住時已告之是日訂房客人唔多，唔使分時段，咁我哋配合行程食早餐時間就有更多安排。因為一早落嚟食，真喺客人唔多，由7:30am食到8:30am，頭頭尾尾都喺十多枱客左右。其實，2015年都嚟食過自助午餐，都幾鍾意呢度嘅環境，闊落夠大，樓底又高，揀咗餐廳尾嘅窗邊位，感覺就更舒服。 初頭晌旅遊網睇過啲人嘅食評，講到早餐無乜嘢食，質素麻麻，不過，網上講嘅嘢就唔好信十足，加上食嘢人人口味都唔同，未必喺絕對。至於現場所見，好多選擇喎，真喺試都試唔晒，概略講講有啲咩食啦。 沙律吧有雜生菜、翡翠苗，再撘近十款配料、兩款醬汁，亮點喺配料中竟然有藜麥，自然增加咗沙律
本來星期六日一嘅自助早餐喺分兩輪時段，但辦理入住時已告之是日訂房客人唔多，唔使分時段，咁我哋配合行程食早餐時間就有更多安排。因為一早落嚟食，真喺客人唔多，由7:30am食到8:30am，頭頭尾尾都喺十多枱客左右。其實，2015年都嚟食過自助午餐，都幾鍾意呢度嘅環境，闊落夠大，樓底又高，揀咗餐廳尾嘅窗邊位，感覺就更舒服。 
初頭晌旅遊網睇過啲人嘅食評，講到早餐無乜嘢食，質素麻麻，不過，網上講嘅嘢就唔好信十足，加上食嘢人人口味都唔同，未必喺絕對。至於現場所見，好多選擇喎，真喺試都試唔晒，概略講講有啲咩食啦。
沙律吧有雜生菜、翡翠苗，再撘近十款配料、兩款醬汁，亮點喺配料中竟然有藜麥，自然增加咗沙律嘅附加價值。
麵包、芝士、粟米片穀麥類食物擺晌另一邊，自成一角，而麵包嘅款式出奇地多，除一般方包、法包，仲有多種歐陸包，全部都以布巾冚好；芝士只有兩款，但穀麥片則有好多種類，配料亦多。
熱盤熟食食物方面就分開幾區擺放，中西式都有，好多元化。中式嘅有粉麵、點心、包點、粥品……等等，而西式有煙肉、、烤車厘番茄、肉腸、烚蛋、薯餅……等等，相信梗有合心水嘅食物，亦都迎合到唔同口味嘅客人。
即製奄列即煮檔口除湯粉麵，就仲有奄列，自選配料，由師傅即場製作，新鮮整嘅，當然好食。奄列餡料點配法，同阿姐講聲就得喇，最重點喺成品新鮮熱焫。
甜品、糕點、乳酪近飲品區嗰邊，有提供啲迷你嘅美式鬆餅、冬甩甜甜圈，以及一啲同樣迷你版嘅牛角包、丹麥酥，仲有多款唔同口味嘅乳酪。有打算食乳酪，不過，最後忘記咗，另外，亦因為食到好飽喇。
生果通常啲自助早餐都喺得兩、三款生果，但呢度算叫做有5款啦，除咗蘋果要洗要抹之外，其他都有試吓。真想問，啲蘋果可唔可攞個返房食呢！
飲品都喺大部分自助早餐常見嘅選項，例如果汁、熱茶（唔同口味嘅茶包）、咖啡、牛奶……等等，仲有熱豆漿添。先一杯果汁，最尾食甜點時就襯杯即磨咖啡。
老婆就偏向揀啲中式嘢食，以及一啲熱食，所以，就飲吓湯、食吓粥，再配啲炒粉及包點，佢話雖然食物喺平常啲，但啲味道確喺唔錯。
小弟就偏向揀西式多啲，醒醒神，就斟咗杯橙汁，邊食邊飲。尤其是一陣都食唔少煎炒嘢，飲杯果汁酸酸甜甜就特別爽。
通常第一轉會先食啲開胃嘢，例如沙律、蔬菜、生果等。兩款沙律菜，再加入大量生果、瓜菜、蛋沙律、凍切肉，淋上千島汁，一份豐富嘅「前菜」就此誕生，真喺喺食自助餐先咁豪。啲食材頗新鮮，瓜果亦好鮮甜，始終一早落嚟，啲嘢都喺啱啱做起。
第二轉就自製一份超級「全日早餐」，點超級？一大件奄列，再加兩條肉腸、兩款做法唔同嘅煙肉、麵包、丹麥酥，如果出面食都要成嚿水啦。唔多講，總之整體而言都好食，當然，如果啲丹麥酥喺烘熱咝嘅就更加正！
最後，一件美式鬆餅、一件甜甜圈，兩款都揀朱古力口味，前者入口夠濕潤，後者咬落軟熟，兩者嘅朱古力都好濃郁，再襯埋杯醇香嘅即磨咖啡，可以講喺完美作結。
上文都講咗喺訂個套票入嚟住，個套票除自助早餐，仲包野餐套裝，包括螺絲粉沙律、芝士及吞拿魚三文治（可揀素食：蕃茄青瓜三文治）、蘋果、美式鬆餅、朱古力棒、生果杯及兩樽飲品，更以保溫袋袋好。所以，就退房時去拎，上到昂坪野餐一下，睇番啲食物，似喺朝早自助餐嘅食物，講笑咁講，食多轉「早餐」，味道都OK，勝在夠豐富，亦夠健康。
短評番今次嘅住宿，感覺都唔錯，房間都好闊落，亦乾淨企理，而自助早餐都好豐富，就算唔包食，晌東薈城都有大把選擇。加上周邊都有唔少景點玩吓，當然，啱唔啱玩就因人而異，總之，老婆就滿意是次行程，有觀賞性，有娛樂性，有知訊性，可以話行程豐富。
張貼
