十和田 (已結業)

今日好想食丼飯，喺附近搵左呢間十和田試下～感覺比尖沙咀分店新淨，食物質素都唔錯！枱面有綠茶粉自己加水，加分！火炙左口魚邊丼，好驚喜，原來跟埋海膽！一黎到已經聞到好香火炙味，左口魚口感好正！油感滿滿～而且有好多塊！夠哂食，飯底經過調味，讚！男友人食海鮮丼，嘩～有超多款式嘅刺身，有大大粒帶子，新鮮嘅拖羅蓉，海膽，甜蝦，魚籽等等，抵食！另外試左個竹筴魚刺身，指定要點酸酸地嘅柚子汁食，好夾，刺身好新鮮，好好食！個炸雞件都好出色！炸得香脆，點沙律食好正！