更多
2013-08-11
666 瀏覽
陳生早前收到中銀SOGO CARD送上嘅8月份生日晚餐，有著數一於奉陪到底。行完灣仔結婚展啱啱好，拖住疲憊嘅身驅去到CAFE ROYCE食晚餐。CAFE ROYCE正正喺地鐵SOGO出口嘅傍邊，好方便。******************************陳生嘅免費生日SET DINNER係三文魚忌廉意粉，是日餐湯獨沽一味，磨菇忌廉湯，配丹麥麵包，麵包表層烤得金黃層次豐富，內裡鬆軟，冇塗牛油都食得滋味。至於磨菇忌廉湯有點稀，只有少量磨菇茸沉喺底部以致磨菇味不濃烈。主菜三文魚忌廉意粉，白汁偏咸，頭幾啖都可以接受，之不過愈食愈咸，如果唔係有豆苗伴碟，真係食唔落，為免損害腎臟，堅持要做好腰好腎好男人嘅陳生只好棄意粉。匈牙利燴羊肉配日本飯，個名又匈牙利又日本，相信係FUSION菜，燴羊肉煮至軟身，軟中帶微微的嚼勁，入口有點膻味，而且醬汁混合羊肉､红酒､蘿蔔嘅香甜，撈珍珠飯一流。加咗$18要法式燉蛋，呢個法式燉蛋，失敗！估唔到佢係一個已經雪到硬膠膠嘅法式燉蛋，面層焦糖硬而死實，焦糖還焦糖､燉蛋還燉蛋，完全冇交流，燉蛋好普通， 仲諗住以CAFE ROYAL嘅格局，甜品應該幾乎好食，原來只有我
行完灣仔結婚展啱啱好，拖住疲憊嘅身驅去到CAFE ROYCE食晚餐。
CAFE ROYCE正正喺地鐵SOGO出口嘅傍邊，好方便。
******************************
陳生嘅免費生日SET DINNER係三文魚忌廉意粉，
是日餐湯獨沽一味，磨菇忌廉湯，配丹麥麵包，
麵包表層烤得金黃層次豐富，內裡鬆軟，冇塗牛油都食得滋味。
至於磨菇忌廉湯有點稀，只有少量磨菇茸沉喺底部以致磨菇味不濃烈。
主菜三文魚忌廉意粉，白汁偏咸，頭幾啖都可以接受，之不過愈食愈咸，如果唔係有豆苗伴碟，真係食唔落，
為免損害腎臟，堅持要做好腰好腎好男人嘅陳生只好棄意粉。
匈牙利燴羊肉配日本飯，個名又匈牙利又日本，相信係FUSION菜，燴羊肉煮至軟身，軟中帶微微的嚼勁，入口有點膻味，
而且醬汁混合羊肉､红酒､蘿蔔嘅香甜，撈珍珠飯一流。
加咗$18要法式燉蛋，呢個法式燉蛋，失敗！估唔到佢係一個已經雪到硬膠膠嘅法式燉蛋，
面層焦糖硬而死實，焦糖還焦糖､燉蛋還燉蛋，完全冇交流，
燉蛋好普通， 仲諗住以CAFE ROYAL嘅格局，甜品應該幾乎好食，
原來只有我一廂情願被FAKE而已。
******************************
雖然中銀SOGO卡請陳生食飯，但陳生埋單，埋單＄187，
即係中銀SOGO卡最終係請我飯。多謝中銀SOGO卡。
張貼
