Cambo ขุนทอง (The ONE)

Cambo 係我行The One時發現既，經過肚餓見到咁多人排隊咁咪排下，排隊通常一係驚喜，一係期望過高會失望（自從網上hit起NEW Holidays呢個飲食page之後，我對排隊美食都卻步，跟住個page食過幾次排隊野都中伏）。咁Cambo係The One算係熱門餐廳，其實佢連住兩個店面，一邊賣越南野，一邊賣泰國野，咁我次次都食泰國野，因為我自己係中意酸、辣口味既，就算之前係上海exchange，浙江個頭食野偏甜都好啦，我都係經常走去食麻辣燙啊、雲南野啊個d。越南個邊自我感覺好似冇咁受歡迎，4條友大概排左20分鐘到，其實如果好味，呢個時間都可以接受。咁食泰國野點都要order一個冬陰功，冬陰功做得好，其他食物都唔會差，呢個冬陰功細細煲，味道酸辣適中，有3、4隻大蝦係入面，以78蚊價格黎講我覺得算足料，冬天時分飲冬陰功真係特別暖胃。然後上既係泰式酸辣腌豬頸肉，呢個前菜我覺得好好食，豬頸肉經過烤製肉邊帶脆，酸度適宜辣度十足，因為我好中意食辣，所以我覺得好正，同行朋友就係咁係度飲水解辣，另外呢碟前菜撈埋左d洋蔥入去，本身以為洋蔥唔好味，但係點埋d酸辣汁特別開胃。呢個泰式酸辣鳳爪都係前菜，