串串燒 by Season

Sake放題168冇限時，我諗依個係全香港最抵飲嘅deal, 求醉必選，可以飲到你飽。出面嘅sake放題，至少都要200-300，仲要有限時，呢度個sake款式有好多，又凍又熱，有薰有醇有熟，除咗sake，仲有梅酒水果酒選擇，尤其是佢哋嘅柚子酒超好飲，超易入口，簡直係抵到爛。最重要係佢哋冇限時，如果你7:00入座可以飲到去12點，名副其實飲飽食醉。服務亦都一流，員工隨傳隨到，唔會揼波鐘，亦有好好嘅推介。

佢哋啲串燒都超級好食，價錢合理，特別推介佢哋嘅燒茄子同埋蠔，超級好食，蒜蓉味重惹味，送酒一流。