更多
2021-10-28
2829 瀏覽
一去到門口見到一個大既水缸入面有唔同既海鮮, 呢間餐廳主要係食海鮮, 所以見到呢個水缸絕對唔出奇😂 呢度食既係fusion 菜, 所以連裝修都係日本風加少少西式既元素😉 食物方面今次就揀左呢個勁抵食既Special Set Menu 有曬沙律, 前菜, 主菜, 湯, 甜品包你一定食得飽🍮Special Set Menu $288/ppl沙律🥗 可以選擇時令野菜沙律或加$38魚生沙律, 今次就揀左前者, 沙律都幾多, 有日式芝麻醬同大量蟹子襯托, 超豐富前菜🥢有2款選擇, 因為我地有2個人就可以叫曬兩款唔洗諗🙂 首先黎個刺身, 有鮮甜既甜蝦, 堅挺粉嫩既厚切劍魚, 軟綿新鮮既厚切三文魚腩🍣 另外仲有啲海帶同埋青瓜, 係一個好refreshing既前菜👍🏽 另一款就係新鮮南非磯煮鮑魚配鮑魚肝醬, 鮑魚既質感相當好唔會太腍又唔會太韌, 食到醬汁既甜又食到鮑魚本身既鮮味🤤湯類🥣日本菜當然要飲面豉湯啦, 湯既份量剛好, 有齊曬豆腐, 洋蔥, 海帶, 食完前面既頭盤飲返碗暖笠笠既湯真係冇得頂😌主菜🍲主菜有三個選擇, 可以揀活鮮蟹鮑魚汁焗飯(兩位起), 壽司盛盒(6件), 寶雲酥羊架, 黎到海鮮餐廳
一去到門口見到一個大既水缸入面有唔同既海鮮, 呢間餐廳主要係食海鮮, 所以見到呢個水缸絕對唔出奇😂 呢度食既係fusion 菜, 所以連裝修都係日本風加少少西式既元素😉 食物方面今次就揀左呢個勁抵食既Special Set Menu 有曬沙律, 前菜, 主菜, 湯, 甜品包你一定食得飽🍮
Special Set Menu $288/ppl
沙律🥗
可以選擇時令野菜沙律或加$38魚生沙律, 今次就揀左前者, 沙律都幾多, 有日式芝麻醬同大量蟹子襯托, 超豐富
前菜🥢
有2款選擇, 因為我地有2個人就可以叫曬兩款唔洗諗🙂 首先黎個刺身, 有鮮甜既甜蝦, 堅挺粉嫩既厚切劍魚, 軟綿新鮮既厚切三文魚腩🍣 另外仲有啲海帶同埋青瓜, 係一個好refreshing既前菜👍🏽 另一款就係新鮮南非磯煮鮑魚配鮑魚肝醬, 鮑魚既質感相當好唔會太腍又唔會太韌, 食到醬汁既甜又食到鮑魚本身既鮮味🤤
湯類🥣
日本菜當然要飲面豉湯啦, 湯既份量剛好, 有齊曬豆腐, 洋蔥, 海帶, 食完前面既頭盤飲返碗暖笠笠既湯真係冇得頂😌
主菜🍲
主菜有三個選擇, 可以揀活鮮蟹鮑魚汁焗飯(兩位起), 壽司盛盒(6件), 寶雲酥羊架, 黎到海鮮餐廳當然要食海鮮啦😉 因為我唔食蟹既關係, 所以升級左做原隻活龍蝦焗飯🦞 因為係即叫即焗, 所以等既時間比較耐, 但係當你見到佢熱辣辣咁出現係你面前你就會覺得值得等待⌛️ 為左Keep住飯既溫度, 餐廳用左鑄鐵鍋裝住個飯, 鍋既底部就係用鮑魚汁, 蔥粒, 薑, 醬汁炒過既飯, 上面放左用胡椒調味既鮮甜開邊焗龍蝦同埋清酒煮過既蜆🍶 海鮮汁焗既時候滲透曬落去啲飯度令到成個飯既味道再豐富啲, 呢個焗飯真係超正, 而且食得出海鮮好新鮮🤩
甜品🍮
最後黎到是日甜品-烏龍茶果凍, 質地勁堅挺, 要出啲力先整到出黎, 清幽既烏龍茶味再加上凍凍既感覺, 為呢個咁豐富既晚餐畫上一個完美既句號🙆🏽♀️ 覺得唔夠喉既可以加錢試埋個Pancake, 可惜到我地想叫既時候已經last order左🥲
餐廳環境, 食物質素, Staff 既服務三樣加埋我覺得呢個餐真係好抵食, 唔想食Set既可以單叫都得價錢唔貴😉 大家如果黎開灣仔又諗唔到食咩既可以黎呢度食下野, 飲下酒同朋友吹下水都唔錯🥰
張貼
