韓屋

前排成日落雨天陰陰最啱食湯飯暖下身，尖沙咀韓國街晚市得呢間有人排隊，等左15分鐘左右就有位，餐廳唔算大，都幾光猛。點完餐之後店員會上韓式醃蘿蔔，爽脆微辣非常開胃。🍽️薯仔排骨湯🥔 配 韓國紅米飯🍚韓國最常見嘅醒酒湯之一，除左薯仔同排骨之外，仲有好多款蔬菜，非常足料。排骨份量比想像中多，有2大舊仲好多肉，煲到軟綿入味🤤。湯水調味適中，飲到豬骨湯嘅鮮味，仲帶點辣，非常暖身。加配左紅米飯一齊食，紅米飯煙煙韌韌，有韓國嘅風味。🍽️血腸湯 配 素麵🍜血腸用嘅腸衣帶點彈性有咬勁，包裹蔬菜粒、豬血、煙韌嘅韓式粉絲，令整節糯米腸口感十足。濃湯裏嫩口嘅豬肉片，並撒上韭菜作點綴，令正道湯香味濃郁。素麵較日式素麵更為彈牙，配上熱辣辣嘅血腸湯，美味可口。👍🏻🍽️餃子王🥟應該係餐廳嘅招牌菜，幾乎每枱都有點，用迷你蒸籠裝住，非常精緻好QQ😆，餃子王差唔多有一個拳頭咁大，咬落餃子皮好煙韌，唔係一般嘅餃子皮；內餡好豐富，有豬肉、韮菜、韓式粉絲 、豆腐等等，餃子脹卜卜十分足料。🍽️泡菜餃子王🥟同餃子王餡料差唔多，加多左泡菜，令內餡充滿泡菜嘅顏色，口味更加濃厚。泡菜餃子王味道偏辣，比一般泡菜更辣😆😆😆