影片
更多
2023-04-25
237 瀏覽
好耐都冇喺堅尼地城食晚飯，周圍都唔同哂，好多餐廳、店舖都轉咗。記得第一次接觸裸買店，就係去堅尼地城嘅slowwood ，由嗰陣開始就慢慢愛上裸買店❤️鍾意見到產品「本人」，無任何包裝，要幾多買幾多，無強逼消費。今日再去，店舖比以前細咗好多，細咗差唔多3/4。買完嘢，就出發去餐廳。餐廳唔難搵，大約行4~5分鐘就到。我已經預先上網訂位，前一日餐廳whatsapp我，問我要唔要預留 yellow chicken 或者 seafood stew，不過我哋3個人，食唔到咁多，所以無特別預留。到達餐廳之後，職員好心急想幫我哋落單，一路望住我哋😅喺我哋後面有一張8人枱，坐咗8個女仔，佢哋講嘢好大聲，又笑得好大聲，真係好!!嘈!!隔離枱有一個人一坐底，都即刻講：「嘩，咁嘈嘅!」佢哋笑嘅時候，我直頭聽唔到我朋友講嘢😵💫之後，佢哋應該有人發現到自己太大聲，shu佢自己嘅朋友，就開始好啲。如果全程都係咁嘈的話，真係頭暈。Fritto misto - Tiger prawns, squid, white bait, zucchini ($108)炸粉唔厚，就算我哋無飲酒，都唔會覺得太咸，調味岩岩好👍🏻食物送上
記得第一次接觸裸買店，就係去堅尼地城嘅slowwood ，由嗰陣開始就慢慢愛上裸買店❤️
鍾意見到產品「本人」，無任何包裝，要幾多買幾多，無強逼消費。
今日再去，店舖比以前細咗好多，細咗差唔多3/4。
買完嘢，就出發去餐廳。
餐廳唔難搵，大約行4~5分鐘就到。
我已經預先上網訂位，前一日餐廳whatsapp我，問我要唔要預留 yellow chicken 或者 seafood stew，不過我哋3個人，食唔到咁多，所以無特別預留。
到達餐廳之後，職員好心急想幫我哋落單，一路望住我哋😅
喺我哋後面有一張8人枱，坐咗8個女仔，佢哋講嘢好大聲，又笑得好大聲，真係好!!嘈!!
隔離枱有一個人一坐底，都即刻講：「嘩，咁嘈嘅!」
佢哋笑嘅時候，我直頭聽唔到我朋友講嘢😵💫
之後，佢哋應該有人發現到自己太大聲，shu佢自己嘅朋友，就開始好啲。
如果全程都係咁嘈的話，真係頭暈。
Fritto misto - Tiger prawns, squid, white bait, zucchini ($108)
炸粉唔厚，就算我哋無飲酒，都唔會覺得太咸，調味岩岩好👍🏻
食物送上嘅時候，係熱辣辣，唔係一早炸定，而且係鬆脆，唔係不停翻炸硬脆。
不過炸蝦、魷魚，銀魚仔、瓜，全部每人只有一件😅
好在我哋3個人，如果唔係唔夠分。
Aglio olio spaghetti with tiger prawns - Garlic, chili, parsley ($168)
意粉煮得岩岩好，有咬口又唔太淋。
蒜味好香，成個意粉都炒得好入味。
有2飯大蝦係意粉上面，意粉唔係好辣，只係食到少少辣味，唔係好食得辣嘅人，相信都會食到。
Prosciutto - Rocket leaves, parmigiano shaves, tomato sauce ($178)
如果係星期一至三，pizza仲有買一送一優惠。
可惜我哋唔知道有哩個優惠，約咗星期四🙈
我哋揀咗有火腿嘅pizza，蕃茄醬，上面有一啲火箭菜。
Pizza係即叫即整，會較其他食物需時，但都係可以接受嘅時間。
Pizza係薄批，但唔係脆底，麵包邊做得鬆軟。
一定要趁熱食!! 正!!😋
總結成個晚餐，pizza係最好食嘅食物，價錢、份量同味道成正比。
下次一定要揀星期一至三嚟😌
撇除其他客人較大聲哩件事之外，其實整個用餐體驗都唔錯。
大家經過堅尼地城，可以考慮嚟試吓。
張貼
