錦麗

營業中

休息中

突然好想食pho，就同老公去呢間餐廳。餐廳光猛，座位寬闊。因為早食晚飯，所以唔駛等位就直接入座。熟牛肉粉($60)。平時食開生熟牛河，試下新嘢。原來熟牛肉係牛腩，比起生熟牛肉嘅牛肉片韌，同埋有筋。下次都係食返生熟牛河。湯底唔會太咸，又可以根據自己喜好加芽菜，香葉，辣椒等。越南三色飯($66)。其實想食香茅豬扒先會叫呢碟飯。香茅豬扒好香，唔會太油膩。脆皮香炸扎肉，第一次食，比較乾身。蝦膏蒸蛋，超級咸，可以送十碗飯。越式炸春卷($38/4件)。都算足料，皮夠薄，偏濃味。總結係，淨係個pho最好味，最值得食。