壽司芳

營業中

休息中

Fusion omakase嚟講，壽司芳都係幾唔錯嘅選擇，食壽司之餘，中途都會夾雜好多fusion菜，比傳統手握壽司增添左唔少新意思，亦感受到餐廳主廚嘅創意介紹吓幾款特別鍾意嘅Fusion菜方面：嚟緊中秋節，餐廳都推岀左個毛蟹肉包住鹹蛋黃嘅mochi應節，第一次聽呢個配搭，一開始打咗個突，點知食落又出奇地夾！😳 另外呢個鮟鱇魚肝都好特別，用咗煎去做，面頭加上芒果醬。平時傳統多數都係就咁食，依個就外脆內軟，魚肝保留入口即溶。但有時食得多會好膩，所以師傅配合芒果醬可以沖淡油膩感，非常加分壽司方面：最有驚喜係黑鯥魚クロムツ，入口好滑，係爽脆彈口嘅口感🥰白魷魚，本身白魷魚口感帶少少黏稠，都好鮮甜，加咗柚子on top會再清新啲，好多餐廳都係依個做法竹葉包花竹蝦壽司，感覺有少少似以前喺大阪食嘅柿葉壽司，但柿葉係酸啲，依款較甜吞拿魚卷，出邊好多menu都係細細個手卷結尾，依到包成大個拖羅卷比你，有晒唔同部位，幾款口感🤩其他手握壽司就一般般啦，不過不失🉑依度上菜速度不急不躁，如果唔係而家要九點前食完，大家最好預留三個鐘。