更多
2020-05-15
1026 瀏覽
《Omakase之日與法的相遇》哩晚黎到The Mira Hong Kong嘅WHISK品嚐OmakaseWHISK主打創意料理 將來自日本嘅食材以法式方法處理帶來味覺上新嘅體驗然後不得不提嘅係哩度嘅主廚Oliver非常願意聽客人嘅意見食完8道菜後 會主動出黎同客人交流先唔講啲野好唔好食 哩份貼心已經贏曬🙈整個Omakase連埋開胃菜總共有9道菜主菜可以選擇尾崎和牛/鴨胸我地加左4杯酒嘅wine pairing甜品時候再另外加多左一杯dessert wine開胃菜係番茄雪葩配上柴魚高湯番茄雪葩冇加入過多嘅調味柴魚高湯嘅味道都係比較清整道菜令人感受到食材本身嘅鮮味雪葩底下有紅椒黃椒粒 口感清爽 配上酸酸甜甜嘅番茄雪葩係一道好清新嘅開胃菜 龍蝦啫哩配海膽 魚子醬魚子醬味道較鹹龍蝦啫哩味淡但充滿龍蝦殼的香味底層嘅海膽鮮嫩甜美將三樣嘢一齊品嚐 鹹甜香 三種味道完美融和配上香檳一齊食用 香檳嘅氣泡係口入面湧動就好似參與緊一場海中盛宴清酒焗蠔餐廳職員會先將蠔放係一個燒熱嘅鑄鐵鍋入面係客人面前將清酒倒入鍋清酒遇上熱力 即刻揮發 為客人帶黎一場嗅覺嘅享受未見到食物 已經食指大動蠔料理得恰到好處 口感非
哩晚黎到The Mira Hong Kong嘅WHISK品嚐Omakase
WHISK主打創意料理
將來自日本嘅食材以法式方法處理
帶來味覺上新嘅體驗
然後不得不提嘅係哩度嘅主廚Oliver非常願意聽客人嘅意見
食完8道菜後 會主動出黎同客人交流
先唔講啲野好唔好食 哩份貼心已經贏曬🙈
整個Omakase連埋開胃菜總共有9道菜
主菜可以選擇尾崎和牛/鴨胸
我地加左4杯酒嘅wine pairing
甜品時候再另外加多左一杯dessert wine
開胃菜係番茄雪葩配上柴魚高湯
番茄雪葩冇加入過多嘅調味
柴魚高湯嘅味道都係比較清
整道菜令人感受到食材本身嘅鮮味
雪葩底下有紅椒黃椒粒 口感清爽 配上酸酸甜甜嘅番茄雪葩
係一道好清新嘅開胃菜
龍蝦啫哩配海膽 魚子醬
魚子醬味道較鹹
龍蝦啫哩味淡但充滿龍蝦殼的香味
底層嘅海膽鮮嫩甜美
將三樣嘢一齊品嚐
鹹甜香 三種味道完美融和
配上香檳一齊食用 香檳嘅氣泡係口入面湧動
就好似參與緊一場海中盛宴
清酒焗蠔
餐廳職員會先將蠔放係一個燒熱嘅鑄鐵鍋入面
係客人面前將清酒倒入鍋
清酒遇上熱力 即刻揮發
為客人帶黎一場嗅覺嘅享受
未見到食物 已經食指大動
蠔料理得恰到好處 口感非常滑溜
味道鮮甜 配上清酒淡麗嘅清香
令人回味不已
香煎帶子配薑蔥
帶子兩邊煎得微焦 但內裡仍然嫩滑
配上薑蔥一齊食用 鹹味將帶子嘅鮮甜味進一步提升
食完飲一啖bartender揀選嘅白酒
味道進一步融和 好食!
日本清酒 醬油 烤麵包
醬油味集中係麵包嘅表面 非常濃郁
麵包中心柔軟有彈性 帶有微微清酒嘅酒香
但麵包略嫌有啲過脆 咬得有啲攰😂
蘿蔔包住龍蝦 鮑魚 配鰹魚高湯
以蘿蔔仿效春卷皮 包住龍蝦 鮑魚等嘅食材
龍蝦稍稍有啲overcooked
鮑魚 都係正常水準
驚喜唔大嘅一道菜
香煎鵝肝 鰻魚 配牛蒡絲
鵝肝脂香濃郁 鰻魚肥美滑溜
兩種入口即溶嘅材料 碰上牛蒡絲爽脆嘅口感
係個非常好嘅配搭
川式香煎鴨胸配上 乳酪醬
鴨胸加左帶有微麻嘅香料煎成
面頭嘅醬汁有些微嘅辣味
配上旁邊微酸嘅乳酪醬
酸味剛好中和左鴨胸油膩嘅感覺
唔錯!
崎尾和牛配蔬菜
崎尾和牛黎自日本宮崎縣
據聞香港只有為數唔多嘅餐廳有得食
和牛熟度控制得剛剛好
牛味濃郁 油脂豐滿 入口即溶
非常美味
作為配菜嘅菇同埋青椒都煎得好香
蔬菜嘅清爽中和左牛嘅油膩感
再配上微酸嘅紅酒 消除左和牛嘅油膩💕
檸檬雪葩配柑橘泡沫
檸檬雪葩帶有微酸 柑橘味道清香 非常輕盈
味道唔會過於沉重 令人冇胃口食用
Oliver以雪葩作為Omakase嘅結尾
同開胃菜嘅番茄雪葩形成首位呼應
為哩場舌頭嘅盛宴劃上完美嘅句號
因為友人嫌4杯酒唔夠候
bartender就為我地加上一杯40度嘅dessert wine
雖然酒係40度 但完全冇喇喉嘅感覺
非常容易入口
而且dessert wine嘅甜味
同酸酸嘅檸檬雪葩非常配合
不得不讚哩度嘅bartender非常有品味
最後要醒下酒 就叫左一壺jasmine tea
為哩餐晚餐作結。
張貼