更多
2020-09-16
4830 瀏覽
路過珀薈酒店，見到佢間西餐廳uptop bistro個套餐幾抵食，5-course dinner都只係$398，就同男友上去試下。我地運氣唔錯，上到去仲有兩張walk-in枱，期間聽到不斷有人打黎book枱，睇黎覺得呢個餐抵食既唔止我地🤣🤣餐廳喺19樓，望遠啲都見到部分海景，建議book枱嗰陣話要窗邊位，咁望住個海食就更chilled喇～先黎麵包籃同mocktail，麵包好脆，配埋個pesto橄欖油醬都幾夾；mocktail加咗水果，鍾意佢個peach iced tea冇加糖漿，所有野都好天然。頭盤係日式鮑魚配青瓜沙律，鮑魚唔un，沙律個醬汁好開胃。湯我地揀咗周打蜆湯，啲蜆幾鮮甜，個湯入口嗰下比較濃味，之後會慢慢變得清淡一啲，不過不失。去到middle course係我地最期待既蟹餅，水準好有驚喜，蟹肉超creamy，外層煎到脆脆地，同脆洋蔥好夾好正～Main course揀咗寶雲酥羊架同肉眼扒，羊架切好晒一粒粒好易食，面層既香草亦都中和咗羊肉既羶味，配菜紫薯軟淋淋，好似糯米糍咁😍😍；肉眼扒個熟度掌握得好好，肉質鮮嫩，配菜個芝士蕃茄層芝士好香～甜品揀咗tiramisu同抹茶雪糕，tir
我地運氣唔錯，上到去仲有兩張walk-in枱，期間聽到不斷有人打黎book枱，睇黎覺得呢個餐抵食既唔止我地🤣🤣
餐廳喺19樓，望遠啲都見到部分海景，建議book枱嗰陣話要窗邊位，咁望住個海食就更chilled喇～
先黎麵包籃同mocktail，麵包好脆，配埋個pesto橄欖油醬都幾夾；mocktail加咗水果，鍾意佢個peach iced tea冇加糖漿，所有野都好天然。
頭盤係日式鮑魚配青瓜沙律，鮑魚唔un，沙律個醬汁好開胃。
湯我地揀咗周打蜆湯，啲蜆幾鮮甜，個湯入口嗰下比較濃味，之後會慢慢變得清淡一啲，不過不失。
去到middle course係我地最期待既蟹餅，水準好有驚喜，蟹肉超creamy，外層煎到脆脆地，同脆洋蔥好夾好正～
Main course揀咗寶雲酥羊架同肉眼扒，羊架切好晒一粒粒好易食，面層既香草亦都中和咗羊肉既羶味，配菜紫薯軟淋淋，好似糯米糍咁😍😍；肉眼扒個熟度掌握得好好，肉質鮮嫩，配菜個芝士蕃茄層芝士好香～
甜品揀咗tiramisu同抹茶雪糕，tiramisu個質感好creamy，抹茶雪糕就偏甜dd，視乎個人口味啦，我就覺得tiramisu正啲～
埋單既時候staff同我地講餐廳做緊一個餐酒promotion，$198就可以有三杯指定餐酒，可以飯後上去佢地個rooftop bar再慢慢品嚐美酒。個bar由4pm開到12am，我地上去八卦下影下相，環境係幾chilled既，有梳化坐，可以欣賞下夜景，可惜第二日要返工，下次weekend黎就可以用呢個優惠喇🤣🤣
張貼
