米奇廚師餐廳 (已結業)

我地參加左「米奇與好友兒童跑」，可以過一晚夜兼夾去Mickey Chef刷返餐，多謝老婆悉心安排。Mickey Chef顧名思義個場由米奇大廚主理，入面d野食都算得上應有盡有。海鮮枱有小龍蝦、長腳蟹、藍青口(Blue Mussels)、翡翠螺同熟蝦。小龍蝦食落好韌，鍾意可以話有𡁻頭，唔鍾意就似「刷子膠」。至於魚生台刺身有三文魚、甜蝦、八爪魚同章紅魚。三文魚算肥美，甜蝦夠幼細，好輕易食左廿條。至於熱盤方面有中式、印式兩個人口大國仲有西式任君選擇，鬼佬做的中式燒味不試也罷、點心首推豬豬叉燒包，勝在外型夠可愛！中式湯麵也不會是重點，無謂浪費Quota。印度菜方面有各式咖哩，有咖哩羊、咖哩雞、咖哩豆，加上印度薄餅或脆片來吃味道不錯。西式有牛排又有燒雞，個人較喜歡意大利Pizza。至於甜品方面沒有驚喜只有驚嚇，親眼見到一位目測十歲孩童伸條脷去「奶」個朱古力噴泉，而遭其操流利普通話的母親薄責，衛生水平頓成疑問？建議可以加建圍欄阻止同類事件發生。