104
7
1
等級3
33
1
2020-01-30 309 瀏覽
呢間過江龍MAMADAY由銅鑼灣開店開始BOOKMARK,一直未有機會去,終於係尖沙咀開左分店實在太好。預左多人,所以打個電話去BOOK位先,但都係太受歡迎,早兩個禮拜打去到只係BOOK到八點個SECTION。當日早左少少到,係門口企左一陣都未有職員得閒理會。終於有個職員行埋黎, 講話BOOK左枱,佢回應未夠鐘,叫我地門口等一等,但當時餐廳裡面仲有幾張吉枱。到左八點,餐廳打電話黎通知有位,覺得好奇怪,剛才已經同職員報左到,然後我就企係門口,都唔行出黎叫人入坐。最後安排左吧枱,枱面有好多得意既罷設同植物。坐低左都冇人比餐牌我地..要自己拎。餐牌既選擇都幾豐富,有意粉,燉飯,PIZZA,小食,甜品...而且菜式設計好特別,真係樣樣都想試晒佢,好難揀啊最後叫左:中國芝士南乳配西方芝士加肉碎咁囉PIZZA想像中以為係PIZZA餅底搽南乳醬,黎到原來係用左南乳去煮啲肉碎。南乳加芝士呢個組合幾特別,但唔算好夾。PIZZA餅底係薄批,焗完出黎香口脆卜卜,食晒成個都唔怕滯,但就稍微燶左少少。玉子豆腐豆漿蟹肉燉飯驚唔驚呢個燉飯賣相有驚喜。用豆漿取代奶油黎做燉飯,出黎效果清新好多。飯煮得剛剛好,唔會太濕或
更多
呢間過江龍MAMADAY由銅鑼灣開店開始BOOKMARK,一直未有機會去,終於係尖沙咀開左分店實在太好。

預左多人,所以打個電話去BOOK位先,但都係太受歡迎,早兩個禮拜打去到只係BOOK到八點個SECTION。

當日早左少少到,係門口企左一陣都未有職員得閒理會。終於有個職員行埋黎, 講話BOOK左枱,佢回應未夠鐘,叫我地門口等一等,但當時餐廳裡面仲有幾張吉枱。
到左八點,餐廳打電話黎通知有位,覺得好奇怪,剛才已經同職員報左到,然後我就企係門口,都唔行出黎叫人入坐。
最後安排左吧枱,枱面有好多得意既罷設同植物。
1 瀏覽
0 讚好
0 留言

2 瀏覽
0 讚好
0 留言

2 瀏覽
0 讚好
0 留言


坐低左都冇人比餐牌我地..要自己拎。
餐牌既選擇都幾豐富,有意粉,燉飯,PIZZA,小食,甜品...而且菜式設計好特別,真係樣樣都想試晒佢,好難揀啊


最後叫左:
1 瀏覽
0 讚好
0 留言

中國芝士南乳配西方芝士加肉碎咁囉PIZZA
想像中以為係PIZZA餅底搽南乳醬,黎到原來係用左南乳去煮啲肉碎。南乳加芝士呢個組合幾特別,但唔算好夾。PIZZA餅底係薄批,焗完出黎香口脆卜卜,食晒成個都唔怕滯,但就稍微燶左少少。

0 瀏覽
0 讚好
0 留言

玉子豆腐豆漿蟹肉燉飯驚唔驚
呢個燉飯賣相有驚喜。用豆漿取代奶油黎做燉飯,出黎效果清新好多。飯煮得剛剛好,唔會太濕或者太黏,但係調味落得好唔均勻,有幾啖太重胡椒味。燉飯配料主要係菇同洋蔥,冇乜蟹肉係裡面,整體味道唔算太鮮甜。玉子豆腐炸得好香口,如果再厚切少少口感應該會再豐富啲。成個燉飯最驚喜係有個釀蟹蓋
表面炸得好香,入面蟹肉好鮮甜。

2 瀏覽
0 讚好
0 留言

非一般一般檸檬果皮烏龍茶沙冰
呢個絕對唔係普通檸檬茶!原來檸檬同烏龍茶出黎個化學效果係咁好既
再加上少少陳皮吊味,成杯野味道好特別好清新,值得一試!

2 瀏覽
0 讚好
0 留言

溶掉了的棉花糖咖啡
呢一杯賣相相對優勝
燒熔左既棉花糖浮係咖啡上面,就咁睇都覺得好飲。熱飲杯既設計亦都好有玩味。飲落比較甜少少,啱唔鐘意太重咖啡味既人。

食完主菜諗住叫埋個甜品,點知又發生左個小插曲...原本想叫件蛋糕食,點知兩款都賣晒

咁就叫左個紫薯窩夫,結果一等就等左45分鐘

中間,大概ORDER左20分鐘,有個職員行埋黎問LAST ORDER有冇野加,就同左佢講有個窩夫未黎,佢哦一聲之後走左,應該都冇幫我地跟。
等到30分鐘都仲未有,想再搵職員追下,但大部份人都忙住執拾收舖,而唔係SERVE客人。等左一陣終於搵到個職員,佢有走入廚房幫我地望,但冇覆返我地咩情況。再等多十幾分鐘,已經想搵個職員講話唔要,突然就有喇~世事想係往往都係咁
其實第一ROUND ORDER既燉飯已經係等左成30分鐘...估唔到窩夫更耐...早知唔叫...

1 瀏覽
0 讚好
0 留言
紫薯窩夫
相比起之前食既創意料理,呢個甜品顯得比較普通。原味窩夫口感唔錯,外脆內軟,甜度適中。配料有紫薯蓉,士多啤梨雪糕同埋煉奶,普普通通,士多啤梨雪糕係好假果種香精味。

總結一下,食物既味道係唔錯既,餐牌既選擇都好多,可以再戰。但餐廳既運作同服務真係可以改善下。希望今次係個別例子。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-01-21
用餐途徑
堂食
人均消費
$225 (晚餐)
推介美食
  • 非一般一般檸檬果皮烏龍茶沙冰