Espuma (M88)

營業中

休息中

今次提早book定台，上到黎就可以入座叫野食！個場夠大，多大枱，就算多人聚餐提早book定都可以安排到，而且百幾蚊有湯/沙律、主菜、飲品同甜品，都幾抵食。今次叫巴馬火腿蘆筍忌廉意大利飯，可能因為lunch hour人多，都須要啲時間等下，大概都要等10-15分鐘咁上下。不過都有個湯同小多士可以食住飲住先。個意大利飯味道唔錯，配料都多，係巴馬火腿就只有2塊，不過都幾夠味，係略嫌個意大利飯較為乾身，稍為有啲硬，可以煮耐啲淋身啲就會更好。然後甜品係個小蛋糕仔，味道就一般，有點兒太甜，但整體呢個價錢4個courses，味道overall都ok，都係可以再黎食過。不過餐廳入面人多，都幾嘈下，如果係想搵地方慢慢傾下計咁就可能有更好選擇。