榮記粉麵

營業中

休息中

Lunch冇帶飯，諗住行去南記食米線，但路過見到呢到咁多人等外賣，突如其來有個衝動試下，於是決定離棄南記，試新野。之後上openrice睇返食評先知咁出名。排隊排左五分鐘左右入得。不過d位坐得幾迫下，不過去得食車仔面都預左坐得親密d啦要左三餸河粉﹙豬腸，粉腸，牛筋﹚加底。另叫汽水一支好快有得食。湯底加左腩汁，個湯底好好味，好正﹗﹗﹗而且牛筋同大腸整得好林好入味。不過粉腸就差少少，唔系好入味。下次要試埋牛腩。而河粉質素只系一般，同埋D粉好碎，有D難夾。雙拼都只是$19，三拼都只系$23，而又有咁既質素，算系幾抵食。