更多
2021-10-21
1045 瀏覽
灣仔莊士敦道個頭無論係大街定入面啲小街都可以尋寶咁尋到又特別又好食既餐廳，而今日行入內街大王東街到比我搵到間一見到個名就一見鐘情的別緻酒吧餐廳(?) ，因為佢成個裝修都好時尚好西餐廳，但啲料理又有啲日式咁，可能有少少偏向多國菜餐廳～個starter叫左三文魚籽磯燒鮑魚，呢個真係唔係講笑，本身唔係big fan of鮑魚，但佢呢個竟然可以食到鮑魚個種鮮甜味，仲要配埋粒粒三文魚籽，口感好豐富好感動！（鮑魚仲切開一片片比你唔洗自己好狼狽咁又切又咬）主菜叫左個fillet同軟殼蟹墨汁意粉～個魚好好食，肉質內軟外脆，再加上超級畫龍點睛既南瓜薯蓉，無得輸，個薯蓉好甜好好味～個墨汁意粉係我中意既deepfried模式去煮，但係比我想像中辣好多hahahahah，定可能我變得無咁食到辣，前幾日朝早食完辣之後就喉嚨痛左兩日T3T～但個個麵食到辣其實係超惹味超好食～同埋佢有幾款個人化cocktail可以揀，全部都好靚，我揀呢杯Blessed Guardian出面仲有好多玫瑰花裝飾，再加蝶豆花既漸變色真係好靚靚好夢幻～呢間野由個package到到食物質素都幾有水準，而價錢又唔會貴到飛起，也是很有誠意的一間店
個starter叫左三文魚籽磯燒鮑魚，呢個真係唔係講笑，本身唔係big fan of鮑魚，但佢呢個竟然可以食到鮑魚個種鮮甜味，仲要配埋粒粒三文魚籽，口感好豐富好感動！（鮑魚仲切開一片片比你唔洗自己好狼狽咁又切又咬）
主菜叫左個fillet同軟殼蟹墨汁意粉～個魚好好食，肉質內軟外脆，再加上超級畫龍點睛既南瓜薯蓉，無得輸，個薯蓉好甜好好味～個墨汁意粉係我中意既deepfried模式去煮，但係比我想像中辣好多hahahahah，定可能我變得無咁食到辣，前幾日朝早食完辣之後就喉嚨痛左兩日T3T～但個個麵食到辣其實係超惹味超好食～
同埋佢有幾款個人化cocktail可以揀，全部都好靚，我揀呢杯Blessed Guardian出面仲有好多玫瑰花裝飾，再加蝶豆花既漸變色真係好靚靚好夢幻～
呢間野由個package到到食物質素都幾有水準，而價錢又唔會貴到飛起，也是很有誠意的一間店～
張貼
