The Right Place (舊墟直街) (已結業)

有格調既西餐廳，有得揀坐室內室外，如果想同朋友開懷大笑，坐室外就最岩，唔怕影響到其他人。$66 Mango Tannin，芒果汁好清甜，仲有粒粒西米粒增加口感。$66 Dr. Kitty，有粒Hello Kitty造型既荔枝，好靚好得意。$88 避風塘椒鹽魷魚鬚，魷魚好軟林，沾滿左脆卜卜既椒鹽，好香口惹味。$118 軟殼蟹芝士漢堡配薯條，粉漿炸得鬆脆，而且size都幾大份，至少見到有成隻蟹。$148 西班牙黑毛豬火腿菠蘿Pizza，好足料既芝士，可以玩到拉絲效果，至於白色一條條既係用芝士刨成絲，好濃郁芝士味，再配搭埋西班牙火腿既鹹香，食落口仲有陣陣餘韻味道，而且批底夠晒薄，好脆口。