Kinson Burger & Bar (已結業)

中午嚟到呢間專賣Burger嘅西餐，超級多人排隊，佢中午一個burger加嘢飲就$68，另收加一，都算抵食嘅，漢堡可以配沙律或者薯條再加杯嘢飲。🍴 蘑菇車打芝士漢堡 $68 (7/10) 另收加一套餐叫咗沙律同一杯熱嘅紅茶。沙律菜都爽口，用咗酸汁都幾開胃。漢堡個麵包都幾大個，都算鬆軟正正常常，入邊剩係得蘑菇肉餅同埋芝士，肉餅煎得唔乾身，牛味就唔係好食到，但係食得出好濃嘅黑椒味，辣辣地，黑椒味太出完全食唔到其他味道，蘑菇都正常份量，芝士都香嘅，口感唔算好豐富不過係比較濃味，紅茶係正常嘅熱紅茶都比較香濃，呢個價錢都算唔錯嘅質素。推薦指數: 7/10中午來講一個套餐都算抵食，質素都OK，計埋價錢來講嘅話都算唔錯嘅選擇。