重陽節當晚，我出席朋友在尖沙咀處男唱歌 Party，所以，提早兩小時出門口，先走到 K11 Musea 這裡食飯！
恰巧！打算朝聖潮食店 CURATOR BY LEX ART CAFÉ 正值開業，門外及走廊放滿花籃，這間加入藝術的主題餐廳，位於充滿藝術氣息的 K11 Musea 人民購物藝術館 B1樓！
門外亮點莫過於村上隆設計的七彩吹氣花花吧，大約 5呎高！
有趣的是，看著它漏氣！
然後，店方收起！幸好！入門口前，先跟它來張自拍照！
意想不到！7:00 前入座，竟然不用等位！
這裡環境優雅，卻比預期細，經過其實可以一眼見哂！
牆上掛上草間彌生、村上隆、奈良美智...的畫作， KAWS 裝飾及其產品可出售！
以食客及店員比例，相對人手足夠，店員態度良好有禮，:)可能是新手關係，給人感覺手腳慢！
餐牌上，貼上金色貼紙代表有供應，而並非推介菜式！大家要留意及問清楚店員！換言之！餐牌上有大約三份之一食物未供應！
1
餐具潔淨無水漬，衛生程度不錯！
特別之處，供應 Signature drinks & dishes！
眼見 $88 的梵高藝術打印咖啡都算細杯！
恐怕好睇唔好飲呀！花錢就要食到美味的美食啦！總之，自己想食咩就點咩？！
麵包上的美味斯人若彩虹，遇見方知有 $128
色彩繽紛的賣相，猶如碟上的藝術品，實在惹人垂涎！
酸甜的士多啤梨粒、香脆的果仁片、配上吸引動人的食用花，
煙韌的麵包塗上一層香甜的 Nutella 朱古力醬，整個配搭清新又甜美，但這不是甜品啊！只是小食而已！:)
1
飲品 Lex Drink 朱古力冰磚熱奶特飲 (混合莓果) $88
男店員送上後隨即介紹，這是自家把 55% 濃度的 Venchi chocolate 雪成朱古力冰磚，淋上溫熱而有綿密奶泡的熱鮮奶，待朱古力冰磚溶化及攪拌後，變成香滑不甜膩的凍朱古力！
加入薄荷，更清新！有點似薄荷朱古力的感覺，有得飲有得玩，可消磨時間慢慢享用呢！
我都懶理遲到，反正未夠飽，點埋甜品！
甜品意式提拉米蘇 $88
Ladies fingers 係脆身，忌廉香軟幼滑，灑上咖啡粉，味道帶香濃！
三款美食及飲品同樣有甜味，各有不同的甜味層次！
大致上，這裡的美食比較坊間的 cafe，大約 Double 價！性價比低！
食輕食連加一服務費花上三百多元，是否貴真是見仁見智嘞！
我以為埋單收錢是最快的！
等埋單，由叫店員埋單，到遞單給我碌卡，碌卡後，俾番張信用卡連張單我，都花上超過5分鐘！未免手腳慢吧！:(
