更多
2020-09-30
5897 瀏覽
又到左一年一度HK Dinning week。想食好西又想慳荷包，呢個係每年必然出動嘅時候。好多城中優秀嘅餐廳包括被米芝蓮加持嘅各大星級餐廳，都有參與呢個活動。今年市道唔好，參加嘅餐廳更加係空前嘅多。今日我哋選擇嘅係The Optimist西班牙菜。餐廳一共三層，地面多數係飲酒食tapas，平時Happy Hour價錢都好優惠，一杯酒都係40零蚊起。食飯一般都會上二三樓，比較近廚房，唔使侍應行咁遠Dining week menu係$198起，有前菜主菜及甜品。午飯加配嘅無酒精飲品都係$30一杯。餐廳經理好有善，好識講笑，亦都好用心咁解釋個Menu俾我哋聽。麵包係歐式麵包，外脆內軟嗰種，配搭嘅竟然唔係西班牙一般常用嘅橄欖油而係酸忌廉，第一次咁食又出奇咁夾。圖中係四人份量嘅前菜兩款croquettes，即係西班牙炸球，分別係蘑菇味同西班牙火腿iberico ham味。另外仲有西班牙蛋餅，混合左薯仔同埋洋蔥，呢度係一道好簡單嘅菜式，但到底啲蛋香唔香，薯仔唔會太林洋蔥多少同味道嘅配搭，越簡單嘅菜式就越係要花心機。另外仲有芝士、果醬軟芝士open sandwich、兩款辣肉腸chorizo同西班
餐廳一共三層，地面多數係飲酒食tapas，平時Happy Hour價錢都好優惠，一杯酒都係40零蚊起。
食飯一般都會上二三樓，比較近廚房，唔使侍應行咁遠
Dining week menu係$198起，有前菜主菜及甜品。午飯加配嘅無酒精飲品都係$30一杯。
餐廳經理好有善，好識講笑，亦都好用心咁解釋個Menu俾我哋聽。
麵包係歐式麵包，外脆內軟嗰種，配搭嘅竟然唔係西班牙一般常用嘅橄欖油而係酸忌廉，第一次咁食又出奇咁夾。
圖中係四人份量嘅前菜
兩款croquettes，即係西班牙炸球，分別係蘑菇味同西班牙火腿iberico ham味。
另外仲有西班牙蛋餅，混合左薯仔同埋洋蔥，呢度係一道好簡單嘅菜式，但到底啲蛋香唔香，薯仔唔會太林洋蔥多少同味道嘅配搭，越簡單嘅菜式就越係要花心機。另外仲有芝士、果醬軟芝士open sandwich、兩款辣肉腸chorizo同西班牙風乾白豬火腿Jamon ham都好出色，絕對冇因為係特價餐就將貨就價。我亦都好喜歡佢嘅菠菜沙律spinish salad，菠菜好鮮嫩，已用嘅油醋味道亦都好出色，加上杏仁說麵包碎及乾蕃茄，口感及味道就更加豐富了。
我點既飲品叫Coco Loco，有椰青水、檸檬菠蘿汁及柚子組合而成，用冰份量真係好多， 一般女孩子未必好習慣。$30一杯平時茶餐廳叫個特飲都係咁上下，而且佢真係好飲。
主菜我點左唔使加錢嘅broken egg 2.0。一般西班牙嘅broken egg係留心蛋、薯仔、加上醬汁，而2.0就有埋西班牙風乾火腿iberico ham。醬汁做得好好，風乾火腿都好靚，餐廳用嘅係薯塊，但我真心好懷念響巴塞隆拿食嘅broken egg係用炸幼薯條...
Chateaubriand係兩個人嘅份量，以都要兩個人先可以叫我叫嘅係medium，但出到嚟嘅效果我認為傾向medium rare，但好好嘅係都係冇血水。我自己認為剛剛好，但如果唔係好食得生嘅朋友，不妨可以order比平時嘅熟少少。配菜松露薯蓉都好香，汁料係過濾過嘅牛肉汁，靚嘅牛肉唔使用太多額外嘅味道，只係配上肉汁就已經好好食。
吼三文魚味道比較清淡，配上炸蒜，煎得好鮮嫩，適合喜歡味道不太濃郁嘅朋友。我自己食嘢比較重口味，覺得稍為淡咗啲，加埋炒咗嘅蘑菇我就覺得剛剛好。
兩款可以選擇嘅甜品分別係焦糖布甸同後面嗰杯藍莓芝士蛋糕，心急嘅服務員響我未食晒杯芝士蛋糕就已經9秒9將佢收咗，叫都叫唔切，呢度要扣番少少分。
今日午餐期間應該有兩台人慶祝生日，餐廳好幾個員工會一齊過去同佢地唱生日歌，仲彈埋結他，氣氛好融合好開心。
張貼
