Osteria Felice (已結業)

好一個黑色星期五，早幾日約咗班好同事去試呢個任飲任食happyhour，抱住期待嘅心情，準時六點九到達餐廳。＄298嘅All u can drink & eat，紅白酒汽泡酒烈酒都係任飲，前菜有三款分別有沙律，炸洋蔥圈，同埋Parma ham，我哋三樣都試哂，Parma ham品質唔錯，雖然唔係最貴嘅款式，但係入口咸香鹹香，沙律嘅菜好新鮮，洋蔥圈炸得分香口。主菜方面意粉同Pizza分別都有幾款選擇，意粉四款我哋全部都有試，味道唔錯，份量足，後尾每次添加佢都比足四個人嘅份量我哋，我哋費事太飽所以最後都唔敢再叫意粉。相對其他食物Pizza就有啲失色，我哋試咗兩款，好彩佢係細細個每個分開四件，勝在夠熱夠脆。店裏面環境好好，雖然有啲嘈，但係店員好快手好有禮貌，雖然係任食，每次落完單好快就有得食。呢個價錢喺中環星期五，仲要係由六點食到10點，真係冇得挑剔。