更多
2021-06-11
1475 瀏覽
經過太子肚仔餓，想食個西餐，就諗起幾個月前黎過一次呢間叫Hami Harmony既西餐廳。試過d野幾好食，不如再黎encore下。好似同上次黎一樣，午市套餐有7款，有扒，魚，All Day Breakfast，意粉，意大利飯，同沙律。價錢由$68到$108不等。套餐包餐湯或熱檸茶檸水咖啡。可加$3轉凍飲，或半價轉其他飲品，又可加$8配沙律，又或者加$5加個餐湯或熱檸茶檸水咖啡。呢度設加一服務費。由於我地都好肚餓既關係，所以叫多個小食分享。炭燒鰻魚意大利飯 $88 另加一炭燒鰻魚大約半條一開三件，質素唔錯，食落彈牙啖啖肉，加埋啲木魚碎食好味道。意大利飯好有嚼勁，係我鍾意嘅al dente質感，個飯嘅忌廉汁好豐富，令個飯好滑。個飯又加左青瓜粒，黃瓜粒，菇片同洋蔥絲，增強口感，仲加左芝士，有少少拉絲效果。唔錯，係一個好味嘅意日fusion菜式。香烤檸檬香草石班配忌廉汁 $108 另加一香烤檸檬香草石班魚兩塊，熱辣辣上枱，煎得塊皮超香脆，而魚肉就好嫩滑。廚師貼心咁俾塊檸檬你自己再加汁，加左檸檬汁之後酸酸地幾好味。兩塊魚下面有一大pat滑溜薯蓉，伴碟仲有少少加左沙律醬汁嘅新鮮沙律菜同車厘茄。忌廉
好似同上次黎一樣，午市套餐有7款，有扒，魚，All Day Breakfast，意粉，意大利飯，同沙律。價錢由$68到$108不等。套餐包餐湯或熱檸茶檸水咖啡。可加$3轉凍飲，或半價轉其他飲品，又可加$8配沙律，又或者加$5加個餐湯或熱檸茶檸水咖啡。呢度設加一服務費。
由於我地都好肚餓既關係，所以叫多個小食分享。
炭燒鰻魚意大利飯
$88
37 瀏覽
0 讚好
0 留言
炭燒鰻魚意大利飯 $88 另加一
炭燒鰻魚大約半條一開三件，質素唔錯，食落彈牙啖啖肉，加埋啲木魚碎食好味道。意大利飯好有嚼勁，係我鍾意嘅al dente質感，個飯嘅忌廉汁好豐富，令個飯好滑。個飯又加左青瓜粒，黃瓜粒，菇片同洋蔥絲，增強口感，仲加左芝士，有少少拉絲效果。唔錯，係一個好味嘅意日fusion菜式。
炭燒鰻魚意大利飯
$88
13 瀏覽
0 讚好
0 留言
香烤檸檬香草石班配忌廉汁 $108 另加一
香烤檸檬香草石班配忌廉汁
$108
17 瀏覽
0 讚好
0 留言
香烤檸檬香草石班魚兩塊，熱辣辣上枱，煎得塊皮超香脆，而魚肉就好嫩滑。廚師貼心咁俾塊檸檬你自己再加汁，加左檸檬汁之後酸酸地幾好味。兩塊魚下面有一大pat滑溜薯蓉，伴碟仲有少少加左沙律醬汁嘅新鮮沙律菜同車厘茄。忌廉汁另上，我無加都夠好味。
忌廉蘑菇湯 (跟餐)
25 瀏覽
0 讚好
0 留言
忌廉蘑菇湯 (跟餐)
跟餐餐湯係忌廉蘑菇湯，菇味濃，好滑，又夠熱，好飲。
白酒忌廉煮青口
$98
15 瀏覽
0 讚好
0 留言
白酒忌廉煮青口 $98 另加一
小食叫左白酒忌廉煮青口。青口一共有十五六隻左右，全部連殼，雖然size細細粒，不過都好嫩口。個白酒忌廉汁味道幾好，非常滑溜而白酒味道適中，仲加左d鮮甜洋蔥絲吸哂啲汁好邪惡。伴碟有少少加左沙律醬汁嘅新鮮沙律菜同車厘茄。
今次叫嘅三道菜都好食，加埋上次食嗰三道，基本上樣樣都好食，而價錢又唔算貴。呢度裝修以白色為主調，感覺好外國feel，枱面有d mosiac 磚仔，影食物相都幾好。入面得十張枱左右，繁忙時間應該要等位。
張貼
