鮮入圍煮花膠雞海鮮火鍋

營業中

休息中

又是厚福街也，厚福街真係搵食好地方，H8呢橦野就更加唔使講，西日韓乜都有，天寒地凍諗住打邊爐，H8又真係有喎。仲要係 8樓，以後黎H8 直上8就啱。店舖裝修乾淨，雖然樓底有點矮但感覺都舒服，通風不錯。 服務態度不錯，帶位時職員會貼心提示小心地下冼，上鍋時提醒小心鍋邊熱，幾個職員周圍走，仲有一個係左近。湯底選擇都多，但見佢花膠雞湯羅晒獎咁就梗係要試下啦，另外丸餃肉菜類都唔少，價錢大眾化。花膠雞好足料，起碼有十幾塊花膠，兩人打一鍋再加幾樣野食已經好夠，今次只叫左個帶子餃同刀貝，已經好飽，滿足。