五谷串燒 (已結業)

每次想食串燒，第一時間就想起南亭，但今晚朋友提議試試五谷，就不防試一試吧！！我地一向至愛燒牛舌，當然要試，牛舌厚度適中，因為曾經試過太薄嘅牛舌好乾，又試過太厚時中間有點生，這裏嘅牛舌厚度剛剛好之外，熟嘅程度亦控制得很好，因為略有厚度嘅牛舌中間應該有少少粉紅色而外面又燒得輕微燒焦嘅效果就最好，又不會太硬，真的值得一試 另外第二推介就一定係燒白鳝，軟硬適中，有少少外脆内軟嘅效果，除牛舌之外，就會選擇白鳝。另外點了店員推介的雞軟骨棒配温泉蛋，佢地推介將雞軟骨棒沾上温泉蛋嘅蛋汁一齊食,其實味道没有很特別，而且始終較牛舌及白鱔遜色。。燒飯團亦係我嘅至愛之一，但始終覺得南亭嘅燒飯團較好味。。。不過較鍾意五谷嘅環境，好似日本居酒屋嘅感覺，好適合幾個朋友傾計之餘邊食串燒邊飲sake！！！