GREEN

真正可以慢慢嘆的三點三港式下午茶將港式點心鹹甜點以酒店西式下午茶方式呈上每樣鹹甜點都以地道港式經典點心小食為靈感創意十足之餘 整體味道都唔錯 唔係得個樣魚子醬鮑魚撻夠哂豪華 鮑魚幾鮮 口感彈牙炸豬肉餃配酸甜醬食落勁似炸雲吞 個酸甜醬係精粹黑松露雞批香口得來雞蓉味好出好正墨西哥包裡面係惹味沙爹牛肉 如果酥皮脆啲就好啦叉燒串雖然偏乾身但蜜汁味道都幾好甜點有多款以夏日時令芒果同椰子為主比一般下午茶set重用鮮果所以整體甜度較低 感覺沒那麼膩有模仿腸粉造型的椰子芒果大菜糕 鮮椰味配香甜芒果好夾另外扮蛋治的蛋白蛋糕配芒果忌廉出奇地light只帶芒果甜而沒有糖的死甜 賣相可愛食落都好味扮魚蛋的炸花生球係我最喜歡的外面糯米糍皮炸至金黃香脆裡面煙韌軟糯仲有滿滿香濃帶鹹香的幼粒花生餡燕窩撻就較失望 撻皮未焗得夠 唔脆另外仲有任添的豆腐花/紅豆雪糕配料有燕窩、雪蛤、桃膠和涼粉 都係任添呀飲品當然切合主題提供港式奶茶味道都拍得住茶餐廳沖個啲喎係酒店嘆港式奶茶真係另一番風味我好少去食酒店下午茶 但呢個set幾啱我鹹甜點各半 甜點又唔會過甜 有特色得來味道都配合到