更多
2020-06-29
334 瀏覽
父親節難得老豆揀西餐,就去咗附近嘅一間西餐廳。餐廳唔係好大,冇訂位嘅話就應該要坐出邊。照燒鰻魚海膽意大利飯呢個超好味,鰻魚同埋海膽嘅甜味完美融合,再加埋意大利飯黏答答嘅口感,超正!帶子牛油果酥盒比較新穎嘅菜式,用酥皮製成一個圓形嘅兜,加入牛油果醬再用帶子蓋上,不過未做都唔係話十分配合,效果一般。巴馬火腿羽衣甘藍薄餅味道一般,火腿、埋羽衣甘藍再加埋佢嗰隻類似北京填鴨嘅醬汁唔係咁配合,薄餅亦冇真係好薄嗰啲薄餅嘅脆口,麻麻哋~墨西哥辣汁蕃茄蜆煲+蒜蓉包蜆煲醬汁做得好好,甜甜地帶微辣,蜆嘅質素大而飽滿,而且冇沙,係較為出色嘅餸菜之一。總括來講呢間餐廳的而且確有出色之作但都唔係話樣樣都好食,唔睇食評嘅話真係好考彩數😂
餐廳唔係好大,冇訂位嘅話就應該要坐出邊。
照燒鰻魚海膽意大利飯
呢個超好味,鰻魚同埋海膽嘅甜味完美融合,再加埋意大利飯黏答答嘅口感,超正!
帶子牛油果酥盒
比較新穎嘅菜式,用酥皮製成一個圓形嘅兜,加入牛油果醬再用帶子蓋上,不過未做都唔係話十分配合,效果一般。
巴馬火腿羽衣甘藍薄餅
味道一般,火腿、埋羽衣甘藍再加埋佢嗰隻類似北京填鴨嘅醬汁唔係咁配合,薄餅亦冇真係好薄嗰啲薄餅嘅脆口,麻麻哋~
墨西哥辣汁蕃茄蜆煲+蒜蓉包
蜆煲醬汁做得好好,甜甜地帶微辣,蜆嘅質素大而飽滿,而且冇沙,係較為出色嘅餸菜之一。
總括來講呢間餐廳的而且確有出色之作但都唔係話樣樣都好食,唔睇食評嘅話真係好考彩數😂
張貼