更多
2021-09-12
65 瀏覽
🤎天·悠蔬食🤎唔知大家幾耐會「Green Monday」一次呢?近排睇香港電台鏗鏘集,提到香港有250萬人口有茹素習慣,所以香港近來都多左好多素食餐廳。就好似今次咁,我地去左位於荃灣新天地嘅Fusion素食餐廳 :「天·悠蔬食」。我同男朋友都係食肉獸黎,基本上有肉嘅地方先會出現我地!而且,平時男朋友一聽到食素就會諗起好油嘅餸菜。不過,我地呢幾排為左我地嘅人生大事,真係食少左好多肉,都願意去嘗試不同種類嘅素菜。首先間餐廳裝修好靚,今次我地黎都係叫套餐,包左主菜、飲品同甜品。如果要前菜同湯品,就要再加多$20。🤍金柚鮮果沙律+牛肝菌忌廉湯 $20個沙律清新開胃,個湯都幾濃郁,不過就偏淡味少少🤍牛油果千島醬薄餅食素最緊要食多啲超級食物,牛油果所含膳食纖維素亦非常豐富。呢塊pizza相當足料,除咗牛油果之外,仲有勁多唔同種類蔬菜:粟米、筍、蘑菇、蕃茄仔、黃椒,個面仲鋪滿沙律菜。而且餅底薄身,好香脆,上面好多芝士拉絲。🤍牛肝菌伊麵牛肝菌菇係最抗氧化同健康嘅菇。呢個伊麵舖左啲沙律菜係面,個麵好濃郁,夠濕潤,有唔同種類嘅菇。🤍芝麻糕大家可能都聽得多牛油果係超級食品,但係唔知大家知唔知道,其實黑芝麻都
唔知大家幾耐會「Green Monday」一次呢?近排睇香港電台鏗鏘集,提到香港有250萬人口有茹素習慣,所以香港近來都多左好多素食餐廳。就好似今次咁,我地去左位於荃灣新天地嘅Fusion素食餐廳 :「天·悠蔬食」。
我同男朋友都係食肉獸黎,基本上有肉嘅地方先會出現我地!而且,平時男朋友一聽到食素就會諗起好油嘅餸菜。不過,我地呢幾排為左我地嘅人生大事,真係食少左好多肉,都願意去嘗試不同種類嘅素菜。
首先間餐廳裝修好靚,今次我地黎都係叫套餐,包左主菜、飲品同甜品。如果要前菜同湯品,就要再加多$20。
🤍金柚鮮果沙律+牛肝菌忌廉湯 $20
個沙律清新開胃,個湯都幾濃郁,不過就偏淡味少少
🤍牛油果千島醬薄餅
食素最緊要食多啲超級食物,牛油果所含膳食纖維素亦非常豐富。呢塊pizza相當足料,除咗牛油果之外,仲有勁多唔同種類蔬菜:粟米、筍、蘑菇、蕃茄仔、黃椒,個面仲鋪滿沙律菜。而且餅底薄身,好香脆,上面好多芝士拉絲。
🤍牛肝菌伊麵
牛肝菌菇係最抗氧化同健康嘅菇。呢個伊麵舖左啲沙律菜係面,個麵好濃郁,夠濕潤,有唔同種類嘅菇。
🤍芝麻糕
大家可能都聽得多牛油果係超級食品,但係唔知大家知唔知道,其實黑芝麻都係其中一種超級食品。餐廳運用左黑芝麻整咗芝麻糕,好軟滑,好濃芝麻味。
🤍焦糖芝士蛋糕
呢到都唔係全素的,都有芝士食的🤪呢個蛋糕好精緻,好食。
唔知大家有冇試過咩素食餐廳正呢🤪🤪
張貼