彩雲南 (已結業)

是日與女友人相約食lunch，心血來潮去左重溫我地中學lunch成日食既彩雲南。與其他同類型食店相比，彩雲南可能稱唔上十分美味。(花瓣唔是嘴鵰既人)以中學時代食過噤多次既經驗黎講，彩雲南員工既服務比花瓣既感覺一向都一般般。效率要睇咩時段去嗱，由於花瓣之前都係lunch去所以效率都唔高既。不過今次同女友人係過左附近學校放lunch果段時間先去，可能因為無乜人嗱，所以等左陣啲野食就到。花瓣例牌叫手撕雞米線，飲品叫左點子奶茶少冰。手撕雞米線對平時食野喜歡味道重少少既人黎講，可能會淡左少少，於花瓣就可以接受。米線上面會有啲腐皮條、芫茜蔥、芽菜等等，唔中意食既人，落單既時候可以同員工講走ㅇㅇㅇ。花瓣走左腐皮條同芫茜，印象中之前食過啲腐皮條，覺得口感好怪，芫茜就因為個人唔中意陣味。點子奶茶啲點子係啲短身長條形、味道甜甜既粒粒(張相影唔到)。配上奶茶味道唔錯咖，平時會飲珍珠奶茶既人可以一試。係銅鑼灣返工返學既人可以去試下(之前學生會平幾蚊，唔清楚宜家仲係咪)。不過lunch時段都要等幾耐下(位&野食)，而且雖然有2層，但據經驗所得第2層唔係成日開，所以花瓣之前多數都係外賣返學食。