更多
2016-01-30
964 瀏覽
推薦程度：食過會想再去食咁。推薦食品：檸檬焦糖班戟卷芒果拿破崙抹茶窩夫抹茶心太軟(嗰陣係隱藏menu，要問先有)重叫咗嘅嘢食：厚身熱香餅呢間鋪位𠮩𠹌到呢！淨係識行，要表達嘅話...𠮩𠹌囉！不過去呢到食都值值地嘅。首先要講HeSheEat啱啱發圍嘅時候已經有唔少身邊人去食，好劣評都有。直到自己真係去食已經係半年後(or even longer)。所以以我食到嘅呢個質素，佢哋水準真係有番咁上下(除咗熱香餅)。排隊嗰啲唔多講，就算係你/妳宜家睇到呢篇食記，即刻去，我相信都係要排隊！直接講坐低，位係比較窄嘅，但尚可接受，畢竟香港寸金尺土，人哋租個鋪位，重畀你/妳坐到大爺咁，一係佢啲嘢食收好貴，一係個老闆有錢冇地方洗。坐低有鬆又舒服傾到偈，okay la！到點嘢食啦，一人一樣，同行一個後生仔話要抹茶心太軟喎！我哋幾個未食過嘅聽到耳都豎眼都突！乜嘢嘢抹茶心太軟？！正當我地眼都曚埋嘅時候，佢四萬咁口同我地講：「唔洗搵喇！呢到(menu)冇架！隱藏menu嚟架！」即刻4個人4把口妖出嚟！結果就揀咗對上提過嗰五樣嘢！逐個嚟，排名不分先後。檸檬焦糖班戟卷個檸檬雪芭、焦糖、pancakes 夾到絕一絕！焦糖
推薦食品：
檸檬焦糖班戟卷
芒果拿破崙
抹茶窩夫
抹茶心太軟(嗰陣係隱藏menu，要問先有)
重叫咗嘅嘢食：
厚身熱香餅
呢間鋪位𠮩𠹌到呢！淨係識行，要表達嘅話...𠮩𠹌囉！
不過去呢到食都值值地嘅。
首先要講HeSheEat啱啱發圍嘅時候已經有唔少身邊人去食，好劣評都有。直到自己真係去食已經係半年後(or even longer)。
所以以我食到嘅呢個質素，佢哋水準真係有番咁上下(除咗熱香餅)。
排隊嗰啲唔多講，就算係你/妳宜家睇到呢篇食記，即刻去，我相信都係要排隊！
直接講坐低，位係比較窄嘅，但尚可接受，畢竟香港寸金尺土，人哋租個鋪位，重畀你/妳坐到大爺咁，一係佢啲嘢食收好貴，一係個老闆有錢冇地方洗。坐低有鬆又舒服傾到偈，okay la！
到點嘢食啦，一人一樣，同行一個後生仔話要抹茶心太軟喎！我哋幾個未食過嘅聽到耳都豎眼都突！乜嘢嘢抹茶心太軟？！正當我地眼都曚埋嘅時候，佢四萬咁口同我地講：「唔洗搵喇！呢到(menu)冇架！隱藏menu嚟架！」
即刻4個人4把口妖出嚟！
結果就揀咗對上提過嗰五樣嘢！
逐個嚟，排名不分先後。
檸檬焦糖班戟卷
37 瀏覽
1 讚好
0 留言
個檸檬雪芭、焦糖、pancakes 夾到絕一絕！焦糖中和番檸檬雪芭嘅酸，再配搭pancakes 嘅清香，好balance。反而因為自己對焦糖脆粒麻麻地(痴牙)，所以冇乜好感，不過就算冇脆粒都唔影響嘅！
芒果拿破崙
80 瀏覽
3 讚好
0 留言
呢個都真係要讚！首先芒果甜度爆燈，酥皮鬆脆，custard係帶番到個味道出嚟，雪糕呢，普普通通。
抹茶心太軟
55 瀏覽
0 讚好
0 留言
佢直頭係一件藝術品！(其實...其他幾樣都好藝術品)
呢味，我真係要講，唔愛抹茶嘅人，唔好考慮；愛抹茶嘅人，唔洗考慮！
佢個抹茶係濃縮咗咁！唔配起雲呢嗱雪糕食呢，你係好似飲緊ristretto、好似就咁開罐Campbell soup唔加水就咁啪咁！extremely condensed！嗰一抹抹茶朱古力先係神來之筆，係有層次感嘅，好微妙，我好肯定我係試咗個心太軟先，再刮少少朱古力試，佢都冇輸畀個流心餡！重點係佢個樣完全睇唔出係朱古力！靚到絕倫！
抹茶窩夫
22 瀏覽
0 讚好
0 留言
相比起心太軟，呢個waffle 親民好多。
如果你/妳係對抹茶唔抗拒，又唔想成日都係芒果，呢款會係個好好嘅選擇。順帶提番，呢個係脆皮嚟嘅！waffle最緊要係外脆內軟。冇個脆，就淋吱吱；冇個軟，就硬grut grut。但呢個可以取到中間個平衡點，加分嘅！抹茶配紅豆，就好似咖啡配牛奶、粥配油炸鬼(話時話，油炸鬼呢個名點嚟？)咁，可以冇咗後者，但有後者係另一種享受。呢到配上咗紅豆，為單調嘅窩夫添上一道色彩。
如果覺得抹茶味唔夠嘅，配埋個雪糕食就啱啱好。
反而呢，個糖漿會搶味，唔建議落。
厚身熱香餅
42 瀏覽
0 讚好
0 留言
到最後喇！熱香餅終於嚟，呢個我可以好簡單用一句話咁介紹下。
「食佢就係食緊個厚身嘅麥當勞熱香餅！」講完！
要多句？好！「佢有雪糕同格仔餅醬。」再講完！
以上就係五款我第一次去HeSheEat食到嘅嘢，五中四，一普通，咁計都有90分啦！
張貼
