更多
2021-02-19
568 瀏覽
Downtown 最近出咗新嘅Afternoon Tea menu，同有英國皇室認證嘅明星品牌Twinings合作，將平常下午茶中嘅「茶」融入甜品。味道有「驚」有「喜」，有創新嘅突破，亦有部分味道完全唔夾。我揀咗Sweet版本，一共有九款甜品，以下揀咗三款我覺得最好食嘅。🥇Raisin Scone & Classic Scone外表越簡單嘅嘢其實越考心機，好食嘅Scone要做到入口鬆軟，奶香突出。當日嘅Scone做得恰到好處，口感濕潤，唔會成口粉。配埋strawberry cream and clotted cream (個人比較鍾意strawberry cream)，絕對係全個Tea最好食嘅甜品。🥈Earl Grey Tea VisitandineVisitandine 有人譯做修女蛋糕，亦有人叫金融家蛋糕、法式杏仁蛋糕，但説到底都係平實嘅小蛋糕。焗到榛果棕色，食落除咗有牛油香味，仲有超突出嘅伯爵茶味，原來餐廳用Twinings嘅伯爵茶造成牛奶朱古力加入蛋糕。香濃嘅伯爵茶味為呢個蛋糕加唔少分。🥉Lady Grey MadelineMadeline貝殼蛋糕—又係一個法式傳統糕餅。貝殼條
我揀咗Sweet版本，一共有九款甜品，以下揀咗三款我覺得最好食嘅。🥇Raisin Scone & Classic Scone
外表越簡單嘅嘢其實越考心機，好食嘅Scone要做到入口鬆軟，奶香突出。當日嘅Scone做得恰到好處，口感濕潤，唔會成口粉。配埋strawberry cream and clotted cream (個人比較鍾意strawberry cream)，絕對係全個Tea最好食嘅甜品。
🥈Earl Grey Tea Visitandine
Visitandine 有人譯做修女蛋糕，亦有人叫金融家蛋糕、法式杏仁蛋糕，但説到底都係平實嘅小蛋糕。焗到榛果棕色，食落除咗有牛油香味，仲有超突出嘅伯爵茶味，原來餐廳用Twinings嘅伯爵茶造成牛奶朱古力加入蛋糕。香濃嘅伯爵茶味為呢個蛋糕加唔少分。
🥉Lady Grey Madeline
Madeline貝殼蛋糕—又係一個法式傳統糕餅。貝殼條紋，中間頂部拱起形成一個小山丘，焗到金黃色，賣相非常誘人。入口綿而不膩，如果餐廳係面頭灑啲糖霜就更加好啦～
🫖紅棗杞子菊花茶
隨餐包兩杯飲品，我就揀咗呢壺菊花茶，上枱時配一小杯自家製黑糖薑蜜。菊花味濃，同紅棗杞子嘅甜味好夾。
侍應嘅服務態度好友善，會主動介紹menu斟水，非常親切～
張貼
