更多
2019-11-19
683 瀏覽
有日行過呢條街，係街上面聞到陣好香嘅咖喱味，台頭一睇，原來阿拉丁咖喱屋就係上面，即刻想搵日去幫襯一下。咁岩今日屋企無煤氣煮唔到野，就同阿媽來左呢度食午餐。行左兩層消耗左啲體力，一推開門一陣好香嘅咖喱味就撲鼻而來，肚子都即刻打哂鼓。睇完餐牌之後，我哋都不約而同地揀左咖喱羊（Curry Lamb），一個配白飯，一個配印度薄餅。熱飲就揀左熱奶茶。佢個咖喱好香，而且辣度適中，平時食開啲印度咖喱香草味會太濃，不過呢間就唔濃。入面啲羊肉炆得好林，又唔穌，煮到入哂味。粒咖喱薯仔雖然得一粒，不過好粉而且炆到入哂味。如果多啲薯仔就好了。啲白飯好甘香，撈埋啲咖喱好味。至於啲印度薄餅就好大塊，熱熱的好新鮮。撕開啲印度薄餅來點咖喱，啲餅索哂啲汁，口感同味道都好好。個人覺得啲咖喱送印度薄餅好食過送飯。杯熱奶茶嘅茶香同奶味都配合得幾好，清清地，一啲都唔heavy。整體來講，呢個午餐圍返都係$52一人，算係合理。
行左兩層消耗左啲體力，一推開門一陣好香嘅咖喱味就撲鼻而來，肚子都即刻打哂鼓。睇完餐牌之後，我哋都不約而同地揀左咖喱羊（Curry Lamb），一個配白飯，一個配印度薄餅。熱飲就揀左熱奶茶。
佢個咖喱好香，而且辣度適中，平時食開啲印度咖喱香草味會太濃，不過呢間就唔濃。入面啲羊肉炆得好林，又唔穌，煮到入哂味。粒咖喱薯仔雖然得一粒，不過好粉而且炆到入哂味。如果多啲薯仔就好了。啲白飯好甘香，撈埋啲咖喱好味。至於啲印度薄餅就好大塊，熱熱的好新鮮。撕開啲印度薄餅來點咖喱，啲餅索哂啲汁，口感同味道都好好。個人覺得啲咖喱送印度薄餅好食過送飯。杯熱奶茶嘅茶香同奶味都配合得幾好，清清地，一啲都唔heavy。
整體來講，呢個午餐圍返都係$52一人，算係合理。
張貼
