慢煮工業

正如其店名，呢度用咗工業風嘅裝修風格。 埋邊嘅樓梯位加埋霓虹燈牌，就最適合打卡。   
要就返晚上 10 點前食完，得返一個鐘食的確有啲趕，不過勝在上菜夠快手。
                                                                                                                                                                                                                                                                                                                      

我哋分別點咗一份豬同埋一份牛，仲叫咗一杯荔枝梳打添。兩份扒都係鮮嫩多汁，而且配菜果啲磨菇粒同蘋果粒都一樣有水準，以佢嘅價錢我覺得係超值呀。

估計係慢煮嘅關係，無論豬扒定牛扒都非常入味，根本不需要加其他醬汁，所以我哋額外加配嘅蜜糖芥末醬變得有啲多餘。另外你見到果隻雞蛋其實係溫泉蛋，估佢唔到係原隻連蛋殻上菜，要自己動手剝開佢。

我覺得唯一美中不足嘅地方係要自己出去落單，感覺比較麻煩。但係我印象中呢到係無收取加一服務費嘅。