影片
更多
2018-06-28
707 瀏覽
以前係附近返工臨急臨都冇發現, 原來將軍澳廣場同popcorn好大好靚好grand。聽住舊同事呻佢返工既麻煩事,不知不覺係時候要食晚餐喇, 有選擇困難既我地, 我就用openrice apps揀左熱門既餐廳, 順手用埋apps拎位。桂花小幸b+bc 位於將軍澳廣場既一角, 旺中帶靜, 已經8點幾了仲好多人等位, 餐廳另設飲品吧做飲品外賣, 見唔少人買飲品, 一邊等入座一邊有杯野飲下, 而我朋友繼續滔滔不絕, 冇買飲品既意慾。用左apps取籌就方便好多, 我地等左5分鐘就有位喇, 全場滿座。餐廳走文青風, 希望都市人放下壓力, 體會生活的美. 我們兩個都好飢餓了, 馬上點菜, 首先出去收銀點菜同俾錢, 之後侍應好快就送上餐飲。三盛牛肉麵($68)湯頭夠濃郁, 牛好入味, 咬一口食到牛肉味又夠林, 功力十分到家, 咬一口麵, 有彈性有嚼口, 餐廳堅持自製新鮮既麵條, 一碗麵測試出餐廳的誠意。酥炸豬扒麵($58)聽講餐廳為左做到一塊靚既炸豬扒, 用左幾個月研究同升級豬扒, 食落夠脆夠實, 配上軟綿綿既沙律醬, 要係香港搵到如此質素既炸豬扒5隻手指數得哂 。鹽酥花枝丸($23)3大粒花枝丸有
聽住舊同事呻佢返工既麻煩事,不知不覺係時候要食晚餐喇, 有選擇困難既我地, 我就用openrice apps揀左熱門既餐廳, 順手用埋apps拎位。
桂花小幸b+bc 位於將軍澳廣場既一角, 旺中帶靜, 已經8點幾了仲好多人等位, 餐廳另設飲品吧做飲品外賣, 見唔少人買飲品, 一邊等入座一邊有杯野飲下, 而我朋友繼續滔滔不絕, 冇買飲品既意慾。
用左apps取籌就方便好多, 我地等左5分鐘就有位喇, 全場滿座。
餐廳走文青風, 希望都市人放下壓力, 體會生活的美. 我們兩個都好飢餓了, 馬上點菜, 首先出去收銀點菜同俾錢, 之後侍應好快就送上餐飲。
三盛牛肉麵($68)
湯頭夠濃郁, 牛好入味, 咬一口食到牛肉味又夠林, 功力十分到家, 咬一口麵, 有彈性有嚼口, 餐廳堅持自製新鮮既麵條, 一碗麵測試出餐廳的誠意。
三盛牛肉麵
24 瀏覽
0 讚好
0 留言
酥炸豬扒麵($58)
聽講餐廳為左做到一塊靚既炸豬扒, 用左幾個月研究同升級豬扒, 食落夠脆夠實, 配上軟綿綿既沙律醬, 要係香港搵到如此質素既炸豬扒5隻手指數得哂 。
酥炸排骨麵
40 瀏覽
0 讚好
0 留言
鹽酥花枝丸($23)
3大粒花枝丸有性格地攤在碟上, 我實在忍唔住手,唔等朋友開動, 決定自己先試味. 咬開外脆內彈牙, 有一粒粒花枝肉混在入面, 是我最喜愛既花枝丸類型。
鹽酥花枝丸
39 瀏覽
0 讚好
0 留言
麻辣豬肚($38)
豬肚主食賣哂, 所以叫個豬肚小食過口癮, 豬肚係厚切, 同出面食既爽口唔同, 係林林地有嚼頭, 配上惹味麻辣醬, 呢個小食配麵一流。
麻辣豬肚
30 瀏覽
0 讚好
0 留言
紅豆荳漿($12)
食一口牛肉麵, 呷一口荳漿, 人生何求? 荳漿微凍小甜可中和牛肉麵既油份, 我推介呢個飲品。
紅豆荳漿
27 瀏覽
0 讚好
0 留言
凍檸茶($6)
臨近收鋪珍珠已賣哂, 叫左杯凍檸茶, 果然係賣飲品既餐廳, 連凍檸茶都有驚喜, 澀甜酸 三種味道剛好到位。
凍檸茶
64 瀏覽
0 讚好
0 留言
有時會聽到隔離枱傾計, 9點後食客散去, 聽到店舖的樂曲和見到店舖內的鼓勵字句, 我呢位朋友都 變得豁然開朗, 果然, 食物係有治療能力。
秒殺所有食物, 好滿足
埋單每人100蚊, 我地覺得物超所值, 下次會繼續幫襯, 一定要先用apps拎籌。
總結: 餐廳的食物飲品十分有水準. 店舖的佈置很有格調, 我一定會再黎試其他食物同飲品, 亦都十分推介呢間餐廳, 希望長做長有。
張貼
