我愛慢煮 (孖沙街) (已結業)

一年前去過上環間【我愛慢煮】覺得D食物唔錯，CP值又幾高，最近又再去食過啦。之前有地面座位，今次去就只係得返樓上，不過就會舒服D，同無禁多油煙味。 美國安格斯特級平鐵牛扒：以呢個價錢，分量都算多，肉都算軟霖，但筋多左少少。好香牛味，但又唔會有騷味。調味都唔錯。 蜜糖香草烤法國春鷄：非常juicy同好多香草味，加左蜜糖鹹鹹甜甜好正。就算鷄胸都唔會柴。而且好入味！ 紐倫堡香腸盤：香腸唔會太鹹，旁邊加左D酸椰菜，中和左肉類同香腸既油膩感，好match同好開胃！ 黑松露番薯條：番薯條分量好多，好脆，鹹鹹甜甜好開胃！黑松露醬都好多！ 慢煮菠蘿，鹹焦糖朱古力布朗尼，意大利雪糕：菠蘿上面有焦糖，脆脆地，但菠蘿偏酸。鹹焦糖朱古力布朗尼暖暖地，好多nuts、朱古力味好濃。意大利雪糕就無咩特別，普通雲尼拿雪糕。