校長燒肉日韓料理 (大埔廣場)

營業中

休息中

我哋揀咗火鍋加燒烤呢個組合，價錢真係抵到你唔信，只係$138/位，仲可以任飲任食120分鐘！唔好以為咁嘅價錢冇乜嘢食，或者食物質素唔高🫢 去到你就會知道，事實係太多選擇根本冇辦法食得晒😂 而且食物質素一啲都唔差，真心有驚喜。火鍋區有麻辣湯、壽喜燒同埋豬骨湯，仲有得揀鴛鴦湯底添。我哋揀咗豬骨湯同壽喜燒，豬骨湯味厚鮮甜，壽喜燒味道香濃有風味。燒肉方面，我哋煎咗鍋貼、煙鴨胸、牛丸、貢丸、墨丸，鍋貼皮薄唔痴底，鴨胸入口鹹香十足，丸類肉質彈牙冇雪味。另外我哋仲燒咗咖喱雞翼、豬腩片同一口牛，咖喱雞翼香口入味，豬腩片帶油脂香，而一口牛肉質鮮嫩多汁。