辦館 (KC100) (已結業)

約左朋友去葵涌KC100既outlet到行下，行完之後見到附近有呢間cafe 好似幾舒服咁，就入去食翻個tea傾下計抖下😙環境好舒服，而且下午茶時間唔算多人，星期六日放假既時候約朋友黎呢度食少少嘢chill下都幾唔錯～Tea set 選擇唔算好多，但係唔同款式都有，多士、烏冬、蛋糕、餐蛋麵呢啲都有齊。想食日式又得、西式啲又得、港式都得👍 1⃣️黑松露炒蛋吐司（$42）下午茶食翻個吐司就啱曬。吐司都幾厚，烘得面頭好脆，切既時候一切落去就聽到脆脆既聲音🤗炒蛋鋪滿曬成個吐司，黑松露味道好濃🤤慢慢切開一塊塊，黑松露多士搭上脆脆既多士慢慢細味，悠悠閒閒咁食真係幾relax。  2⃣️日式叉燒豬骨湯烏冬（$38）有一片幾厚既叉燒、粟米、蟹柳，呢個豬骨湯烏冬食落個人覺得係比較港式既味道，湯底幾香濃。下午茶呢個價錢黎講都幾抵食。  3⃣️玫瑰鮮奶咖啡（$38）靚靚既拉花加埋啲玫瑰花瓣裝飾😍飲到玫瑰既香味，幾唔錯。  4⃣️鮮奶抹茶（$40）有好靚既漸層效果🤩鍾意抹茶既人啱曬嗌杯黎飲。