更多
2021-05-06
3951 瀏覽
今日一支公食lunch，天時熱想食d開胃菜式，就決定黎The ONE既泰越Fusion餐廳Cambo食泰菜。平日午餐時分黎到，Cambo Set 午餐有九款揀，有飯有河粉有湯粉有咖喱鍋，肉類有串燒有海南雞有海鮮有豬等等。價位由$62到$85不等，另收加一，配檸檬茶，奶茶，咖啡。凍咖啡另加$5，特飲另加$8。今日胃口大開，我揀左我最鍾意既Cambo Set午餐之後，再貪心加左個創新招牌菜之一既泰式明爐大蜆鍋同Cambo推介既串燒，一於食餐勁既。泰式明爐大蜆鍋 $96 另加一泰式明爐大蜆鍋真材實料，成個明爐上枱滾住個鍋。個鍋d料多到用唔到個蓋。真係冇扼人，大蜆係大，數過有七隻，唔會太韌又冇沙。至於點解會咁多料呢？係因為原來鍋底有唔少幼滑粉絲，仲有椰菜，草菇，同埋香蔥，大蔥，香茅，蒜片，辣椒，薑片，香茜等調味。泰式湯汁酸酸辣辣，俾d菜吸哂d湯，食到我鼻水長流。如果d硬身唔會食嘅香茅，薑片等，可以易d夾走就更好。串燒雞牛豬半打 $89 另加一比起Cambo Set既串燒（包三串雞牛豬，泰式炒飯同野飲賣$69），主餐牌半打只賣$89，好似抵好多！串燒六大串好多肉，啖啖肉同熱辣辣。雞肉去左皮，雖然
平日午餐時分黎到，Cambo Set 午餐有九款揀，有飯有河粉有湯粉有咖喱鍋，肉類有串燒有海南雞有海鮮有豬等等。價位由$62到$85不等，另收加一，配檸檬茶，奶茶，咖啡。凍咖啡另加$5，特飲另加$8。
今日胃口大開，我揀左我最鍾意既Cambo Set午餐之後，再貪心加左個創新招牌菜之一既泰式明爐大蜆鍋同Cambo推介既串燒，一於食餐勁既。
泰式明爐大蜆鍋 $96 另加一
泰式明爐大蜆鍋真材實料，成個明爐上枱滾住個鍋。個鍋d料多到用唔到個蓋。
真係冇扼人，大蜆係大，數過有七隻，唔會太韌又冇沙。至於點解會咁多料呢？係因為原來鍋底有唔少幼滑粉絲，仲有椰菜，草菇，同埋香蔥，大蔥，香茅，蒜片，辣椒，薑片，香茜等調味。泰式湯汁酸酸辣辣，俾d菜吸哂d湯，食到我鼻水長流。如果d硬身唔會食嘅香茅，薑片等，可以易d夾走就更好。
串燒雞牛豬半打 $89 另加一
串燒雞牛豬半打
$89
35 瀏覽
0 讚好
0 留言
比起Cambo Set既串燒（包三串雞牛豬，泰式炒飯同野飲賣$69），主餐牌半打只賣$89，好似抵好多！串燒六大串好多肉，啖啖肉同熱辣辣。雞肉去左皮，雖然我唔係好分得出牛肉同豬肉，但係兩款串燒都好稔超易咬，仲稔過雞肉。三款肉都有炭火香同蜜糖味，沾d沙嗲醬仲正。下底仲有梛菜絲伴碟，可以撈泰式明爐大蜆鍋既酸辣泰式湯汁食。
泰式炒貴刁連餐湯連野飲
$69
46 瀏覽
1 讚好
0 留言
泰式炒貴刁連餐湯連野飲 $69 另加一
泰式炒貴刁連餐湯連野飲
$69
32 瀏覽
0 讚好
0 留言
呢個泰式炒貴刁係Cambo Set之一。炒貴刁份量大大碟，貴刁粉好幼身又滑，配料有三隻蝦，好多芽菜，蛋絲，豆腐絲，韭菜，仲有花生碎同青檸放碟邊任你自己加。不過之前既櫻花蝦仔好似無左。重點係個醬超好味，甜得黎又唔過份，撈埋d粉食濕濕地酸酸甜甜咁，好好味！味道好再加埋唔同材料帶黎嘅唔同口感，好味!
餐湯 （跟餐）
餐湯係簡單既冬瓜清湯，清清地，有一舊冬瓜同好香既新鮮香莤，飲落幾健康。
龍眼冰
$8
35 瀏覽
1 讚好
0 留言
龍眼冰 跟餐+$8 另加一
次次都飲椰汁紅豆冰，今次試吓龍眼冰先，跟餐只需加$8。龍眼肉大大細細，大概有七八粒，都幾新鮮清甜。龍眼水潤喉得黎唔過甜。
食完仲想食甜品，所以又加個香芒糯米飯。
香芒糯米飯
$55
24 瀏覽
0 讚好
0 留言
香芒糯米飯 $55 另加一
香芒糯米飯
$55
14 瀏覽
0 讚好
0 留言
第一次喺呢度食呢個甜品，賣相幾靚。芒果本身唔太甜有少少酸，但係就可以中和返椰漿同糯米飯嘅甜味。糯米飯一黑一白，係暖架，食落煙煙韌韌甜度適中，加埋香滑椰漿一齊食，三樣野一啖食晒，有齊甜酸，煙韌，滑溜，清爽等多重味覺享受！
食左咁多野都唔洗四舊水，而食物質素係唔錯既。餐廳位置都就腳，座位舒適。整體而言，性價比高呀。
張貼
